گه‌ڕان

Shadow Shadow
سیاسه‌تی

ئاماری گرتن و كوشتنی رۆژنامەنووسان لەجیهاندا

رۆژنامەنووسان ساڵێكی پڕ لە مەترسییان تێپەڕاند

2019.05.04 - 08:37
App store icon Play store icon Play store icon
رۆژنامەنووسان ساڵێكی پڕ لە مەترسییان تێپەڕاند

کەناڵی ناس کورد لە تێلیگرام جۆین بکە   

ناس كورد- هەڤاڵ فەتاح ئامارەكانی فیدراسیۆنی نێودەوڵەتی ڕۆژنامەنووسان جەخت لەسەر ئەوە دەكاتەوە ساڵی 2018 ساڵێكی سەخت و مەترسیدار بووە بۆ رۆژنامەنووسان و ژمارەی ئەو رۆژنامەنووسانەش ئاشكرا دەكات كە بە هۆی پیشەكەیانەوە لەو ساڵەدا گیانیان لەدەستداوە. بەگوێرەی راپۆرتێكی فیدراسیۆنەكە كە لە رۆژی ئازادی رۆژنامەگەریدا بڵاویان كردەوە، لە ساڵی 2018دا لە سەرانسەری جیهان 95 رۆژنامەنووس بەهۆی پیشەكەیانەوە گیانیان لەدەستداوە. راپۆرتەكەی فیدراسیۆنی نێودەوڵەتی رۆژنامەنووسان وڵاتی ئەفغانستان لەسەرووی ئەو وڵاتانەوە دادەنێت كە مەترسیدارترین شوێنە بۆ ئەنجامدانی كاری رۆژنامەوانی، ئەوەش دوای ئەوە دێت كە 16 ڕۆژنامەنووس لەسەر دەستی چەكدارانی تاڵیبان لە كابول و ناوچەكانی خۆرهەڵاتی ئەو وڵاتەدا كوژران. راپۆرتەكە وڵاتی ئەمریكاشی لە بازنەی ئەو وڵاتانەدا داناوە كە لەو ساڵەدا جێی مەترسیی بووە بۆ رۆژنامەنووسان بەوپێیەی لەو ساڵەدا چەند رۆژنامەنووسێك كوژراوون. a1462290641.jpg فیدراسیۆنەكە لە راپۆرتەكەیدا هۆكارەكانی زیادبوونی كوشتنی رۆژنامەنووسان دەگەڕێنێتەوە بۆ بڵاوبوونەوەی گەندەڵی و تاوان لەناو كۆمەڵگاكاندا كە وایكردووە ڕۆژنامەنووسان لەكاتی ڕووماڵكردن و ئاشكراكردنی ئەو دۆسێیانە ڕووبەڕووی كوشتن ببنەوە. سەبارەت بە ئاماری ئەو ڕۆژنامەنووسانەی كە ڕووبەڕووی زیندانیكردن بوونەتەوە، لیژنەی پاراستنی ڕۆژنامەنووسان لیستێكی بۆ ناوی ئەو وڵاتانە ئامادەكردووە كە زۆرترین ڕۆژنامەنووس لە زیندانەكانیاندایە. بەگوێرەی ریزبەندییەكە توركیا لە سەرووی لیستەكەدایە كە 68 ڕۆژنامەنووس لە زیندانەكانیدایە پاشان وڵاتی چین 47 ڕۆژنامەنووس، میسر 25رۆژنامەنووس، وڵاتانی سعودیە و ئەریتریا 16 ڕۆژنامەنووس. _106781338_journalists_killed_640_arabic-nc.png هاوكات سەبارەت بە زیادبوونی مەترسی لەسەر ئازادی ڕۆژنامەوانی ڕێكخراوی پەیامنێرانی بێسنوور راپۆرتێكی بڵاوكردەوە و تیایدا ئاماژە بەوە دەكات كە ڕەوشی ڕۆژنامەنووسان لە ئەمریكا خراپە و بە گوێرەی راپۆرتەكە ژمارەیەكی زۆر لە ڕۆژنامەنووسان لەو وڵاتەدا دووچاری هەرەشە و كوشتن بوونەتەوە و ناچاربوون بۆ پاراستنی ژیانیان پەنابەرن بۆ كۆمپانیای تایبەت بە پاسەوانی. بەگوێرەی ڕاپۆرتەكەی رێكخراوی پەیامنێرانی بێسنوور، ئازادی ڕۆژنامەوانی لە وڵاتانی (هیندستان، بەرازیل، فینزویلا، رووسیا و چین) پاشەكشەی كردووە. لە هەرێمی كوردستانیش بەپشتبەستن بە راپۆرتی رێكخراوە تایبەتمەندەكانی ئەو بوارە دۆخی ئازادی رۆژنامەوانی لە دۆخێكی باشدا نییە و لە رۆژی جیهانی ئازادی رۆژنامەگەریدا سەنتەری میترۆ كە تایبەتە بە داكۆكیكردن لە مافی رۆژنامەنووسان، رایگەیاند "هێشتا هەرێمی كوردستان ژینگەیەكی لەبارە بۆ دەربازبونی تاوانباران و بكوژو توندوتیژكارانی سەر میدیاكاران ‌و رۆژنامەنوسان". ئاماژە بەوەش كراوە، سۆرانی مامەمە حەمە، سەردەشت عوسمان، كاوە گەرمیانی، ویدات حسین، مامۆستا عبدالستار، ئەركان شەریف، نمونەی زەقی ئەو قوربانیانەن ، كە بكەران یان پلانداڕێژەری ئەم تاوانانە، نەناسراون یان ناسراون و بە ئازادانە لەناوماندان و دەسەڵاتی یاسا لەبەردەمیان لاوازە. soran-sardasht-kawa.jpg