گه‌ڕان

Shadow Shadow
سیاسه‌تی

هۆکارێک بووەهۆی ڕازیبوون بە ئاگربەستەکە

حزبوڵای عێراق ئاگربەستی لەگەڵ ئەمریکا ڕاگەیاند بەڵام یەک مەرجی هەیە

2020.10.11 - 16:02
App store icon Play store icon Play store icon
حزبوڵای عێراق ئاگربەستی لەگەڵ ئەمریکا ڕاگەیاند بەڵام یەک مەرجی هەیە

ناس کورد-

وتەبێژی حزبوڵای عێراقی ڕایگەیاند، گروپە چەکدارییە عێراقییەکانی نزیک لە ئێران "ئاگربەستێکی مەرجداریان" ڕاگەیاندووە بۆ وەستاندنی هێرشەکانیان بۆسەر هێزەکانی ئەمریکا و هاوپەیمانان.

کەناڵی ناس کورد لە تێلیگرام جۆین بکە   

 

محەمەد موحی، وتەبێژەی کەتیبەکانی حزبوڵا لە عێراق  (11ی تشرینی یەکەمی 2020) کە سەرەکیترین گروپی چەکداری عێراقییە کە شەری لە دژی ئەمریکا ڕاگەیاندووە بە ئاژانسی ڕۆیتەرزی وتووە، بە مەبەستی هێورکردنەوەی دۆخی ئەمنیی عێراق  و ڕزگارکردنی وڵات لەو ئاڵۆزییانەی کە پێشبینی دەکران بەهۆی داخستنی باڵۆێزخانەی ئەمریکا ڕوو بدەن، گروپە چەکدارییەکان ڕەزامەندیاندا لەسەر ڕاگرتنی هێرشەکانیان بەڵام هۆشدارییان داوە ئەگەر ئەمریکا نەکشێتەوە لە عێراق ئەوە "بە هەموو توانایەکمانەوە لێیان دەدەین."

 

محەمەد موحی دەشڵێت، "هەڕەشەکانی ئەمریکا بۆ داخستنی باڵۆێزخانەکەی لە بەغدا دۆخەکەی زۆر ئاڵۆز کرد لە عێراق، بۆیە پێویستی بەوە دەکرد دۆخەکە هێوربکرێتەوە".

 

جەختیشکردەوە، گروپە چەکدارییەکان "بە مەرج ڕازی بوون ئاگربەست ڕابگەیەنن و هیرش نەکەن سەر هێزەکانی ئەمریکا لە عێراق".

 

هۆشداری داوە "ئەگەر ئەمریکا نیازی ئەوەى هەبێت لە عێراق بمێننەوە و نەڕۆن، ئەوا جەخت دەکەینەوە بە هەموو توانایەکمانەوە و بەو چەکانەى هەمانە هێرش دەکەینە سەر ئەو هێزانە".

 

موحی ئاماژەی بەوەشکردووە، "هەموو گروپە چەکدارەکان بە حکومەتی عێراقیان وتووە ئەوان هێرشەکانیان دژ بە هێزەکانی ئەمریکا ڕادەگرن، بەڵام  بە مەرجێک دەبێت حکومەت خشتەیەک دیاریکراو بۆ پاشەکشەی ئەو هێزانە ڕابگەیەنێت".

 

جەختی کردووەتەوە کە "ئەو بڕیارە هەموو گروپەکانی (بەرخودان) دژ بە ئەمریکا دەگرێتەوە."