گه‌ڕان

Shadow Shadow
سیاسه‌تی

لەدوای ڕوسیا و ئەڵمانیا و ئیتاڵیا.. عێراق زۆرترین پێڵاوی تورکی هاوردە کردووە

2020.10.11 - 12:29
لەدوای ڕوسیا و ئەڵمانیا و ئیتاڵیا.. عێراق زۆرترین پێڵاوی تورکی هاوردە کردووە

ناس کورد-

ئەنجومەنی هەناردەکارانی تورکیا ڕایگەیاند، عێراق لە ڕیزبەندی پێنج وڵاتی یەکەمی جیهاندایە بۆ هاوردەکردنی پێڵاوی تورکی و کەلوپەلە چەرمییەکان.

 

ئەنجومەنەکە (11ی تشرینی یەکەمی 2020) لە ڕاگەیەنراوێکدا دەڵێت، "لەماوەی نۆ مانگی ڕابردوودا، بە بەهای 988 ملیۆن دۆلار تورکیا بابەتی چەرمی هەناردەی دەرەوە کردووە".

 

بەگوێرەی ڕاگەیاندراوەکە، "لە 62.8%ی ئەو شتومەکانە پێکهاتوون لە پێلاو و بەهاکەشی زیاتر لە 620 ملیۆن دۆلار بووە".

 

باسی لەوەشکردووە کە لە ساڵی 2019 دا ڕوسیا لە ڕیزبەندی یەکەمی ئەو وڵاتاندا بووە کە پێڵاو و بابەتە چەرمیییەکانی تورکیای هاوردەکردووە،  ئەڵمانیا بەپلەی دووەم هاتووە، ئیتاڵیاش بە پلەی سێیهەم هاتوو، عێراقیش لە پلەی چوارەمدایە و کۆریای باشوریش پلەی پێنجەمی بەدەست هێناوە.