گه‌ڕان

Shadow Shadow
چیرۆكه‌كانمان

یانزەهەمین راپۆرتی سەنتەری پەرەپێدانی دیموكراتی و مافی مرۆڤ بڵاوكرایەوە

لە 2018دا زیاتر لە هەزار پێشێلكاری لە دادگاكانی هەرێم تۆماركراوە

2019.05.02 - 22:37
 لە 2018دا زیاتر لە هەزار پێشێلكاری لە دادگاكانی هەرێم تۆماركراوە
ناس كورد- ئەحمەد مستەفا بەپێی ئاماری تۆماركراوی ڕێكخراوێكی تایبەت بە مافەكانی مرۆڤ لە هەرێمی كوردستان لە ساڵی 2018دا زیاتر لە هەزار حاڵەتی پێشێلكاری یاسایی لە دادگاكان و بنكەكانی پۆلیس و ئاسایش تۆماركراوە. . سەنتەری پەرەپێدانی دیموكراتی و مافی مرۆڤ، نوێترین ڕاپۆرتی خۆی بڵاوكردەوە و تیایدا ئاماژە بەوەدەكات "پاش 12 ساڵ لە دامەزراندنی ڕێكخراوەكەیان دۆخی پێشێلكارییەكان لە ڕابردوو خراپتربووە". . ئەمڕۆ (پێنجشەممە) لە كۆنگرەیەكی ڕۆژنامەوانیدا كە پەیامنێری ناس كورد ئامادەی بوو، محەمەد مەعروف، سەرپەرشتیاری سەنتەرەكە ڕایگەیاند "ڕاپۆڕتی ئەمساڵی (پڕۆژەی پاڵپستی دادگا) كە تایبەتە بە تۆماركردنی پێشێلكارییە یاساییەكان و ڕەوشی مافی مرۆڤ و سەروەری یاسا كە تۆماركراون لە دادگاكان و بنكەكانی پۆلیس و ئاسایش و تەنها لە ناوەندی شارەكانی هەولێر، سلێمانی، دهۆك و ئیدارەی گەرمیان جیبەجێكراوە". . وتیشی "وێڕای ئاستەنگ و بەربەستەكان تەنها لە ماوەی ساڵی ڕابردوودا هەزار و 389 حاڵەتی پێشێلكاری یاسایی تۆماركراوە". . سەرپەرشتیاری سەنتەرەكە، ئاماژەی بەوەكرد، دوای 12 ساڵ بەگەڕانەوە بۆ ڕاپۆرتەكانی پێشوویان ژمارەی پێشێلكارییەكان و جۆر و لایەنی پێشێلكارییەكان نەك گۆڕانكاری تێدا نەكراوە، بەڵكو لە هەندێ ڕووەوە دۆخەكە زۆر لە ڕابردوو خراپتر بووە. . محەمەد مەعروف باسی لەوەشكرد، كاری هاوبەش لەگەڵ حكومەت و پەرلەمان و دادوەری باشتر نەبووە و خراپتر بووە، ئەوانیش دەستێوەردانی حیزبی بوون و دادگا پێشێلكاری دژی مافی مرۆڤ كردووە و ھیچ ھەنگاوێك نەنراوە بۆ باشبوونی دۆخی یاسای ھەرێمی كوردستان. . ھاوكات كارزان عەبدول، ئەندامی دەستەی كارگێڕی سەنتەرەكە لەوەڵامی پرسیارێكی ناس كورد روونیكردەوە، دادگاكان بوون بە قوربانی سەروەری یاسا و نەیانتوانیوە لەژێر فشاری حزبی و كەسی دەربچن. . وتیشی"من گوێم لێبووە دادوەر بەھەزارەھا بڕیاریان ھەبووە و جێبەجێ نەكراوە و دادگا دەڵێت بڕیارەكانمان ئاسایش یان پۆلیس جێبەجێی نەكردووە".