ناس کورد-
کۆمپانیای WhatsApp ئاشکرای کرد، بڕیارە بەم نزیکانە ئەپلیکەیشنێک بخاتە بەردەست بەکارهێنەرانی کە دەتوانن لە ڕێگەیەوە زیاتر لەیەک دەقی نووسین بەکاربهێنن لەزنجیرەی ئەنجامدانی نوسینی نامەکاندا، ئاماژەی بەوەشکرد، ڤێرژنە نوێیەکە چەندین ئاسانکاری و شێوازی دیکە دەگرێتە خۆی.
کەناڵی ناس کورد لە تێلیگرام جۆین بکە
کۆمپانیاکە ڕایگەیاند، بۆ لەمەودوا بەکارهێنەرانی تۆڕی کۆمەڵایەتی WhatsApp دەتوانن لەڕێگەی Google Play بەئاسانی بەدوای ئەو گرتە ڤیدیۆیانەدا یاخود وێنەکانی GIF بگەڕێن و لەکاتی ئاڵۆگۆڕکردنی نامەکان و چاتکردندا بەکارى بهێنن.
ئەوەشخراوەتە ڕوو، یەکێک لە تایبەتمەندییەکانی دیکەى ڤێرژنە نوێیەکە، بەردەستکردنی تایبەتمەندی Always Mute کە بەکارهێنەرانی ئەو تۆڕە کۆمەڵایەتییە دەتواتن لە ڕێگەیەوە دەنگی چاتەکان بەشێوەیەکی کۆتایی لاببەن و نەیهێڵن".
هەروەها کۆمپانیای WhatsApp چەند هەڵبژاردەیەکی دیکەشی خستووەتە بەردەم بە کارهێنەرانی، کە ئەوەش پێکهاتووە لە فەراهەمکردنی ژمارەیەک شێواز وڕەنگی جیاواز بۆ دانانی لەپشت نووسینی نامەکانەوە.
