گه‌ڕان

Shadow Shadow
سیاسه‌تی

توركیا وردەكاریی هێرشێكی بۆ سەر حەفتانین بڵاوكردەوە

2020.10.09 - 09:24
App store icon Play store icon Play store icon
توركیا وردەكاریی هێرشێكی بۆ سەر حەفتانین بڵاوكردەوە

ناس کورد-

وەزارەتى بەرگرى تورکیا راگەیەندراوێکى بڵاوکردەوە و تیایدا بانگەشەى كوشتنی 5 گەریلاى پارتى کرێکارانى کوردستان (پەکەکە) دەکات لە ناوچەى حەفتانین لە هەرێمى کوردستان.

 

کەناڵی ناس کورد لە تێلیگرام جۆین بکە   

لە راگەیەندراوێکى وەزارەتى بەرگرى تورکیادا بانگەشەى ئەوە کراوە کە كوژرانی ئەو گەریلایانەى پەکەکە لە ئەنجامى بۆردومانێکى ئاسمانیدا بووە کە فڕۆکە سەربازییەکانى تورکیا لەچوارچێوەى ئۆپراسیۆنى "چڕنووکى پڵنگ"دا ئەنجامیانداوە، بەڵام بەگوێرەى بەدواداچوونەکانى ناس کورد تائێستا هیچ سەرچاوەیەکى پارتى کرێکارانى کوردستان (پەکەکە) ئەم هەواڵەی پشتڕاست نەكردووەتەوە.

 

بەگوێرەى راگەیەندراوەکە وەزارەتى بەرگرى توركیا ئۆپراسیۆنى بەناو (چڕنووکى پڵنگ) بەردەوامە. 

 

راگەیەندراوەکە لە کاتێکدایە کە لە 7ى تشرینى یەکەمى 2020 جارێکی دیکە پەرلەمانی تورکیا مۆڵەتی ئۆپەڕاسیۆنی سەربازی لە عێراق و سوریا بۆ سوپای تورک درێژکردەوە.

 

لە 16ى حوزەیرانى 2020-ەوە تورکیا ئۆپراسیۆنێکى سەربازى دژى گەریلاکانى پارتى کرێکارانى کوردستان لە ناوچەى حەفتانین لە هەرێمى کوردستان دەستپێکرد.