گه‌ڕان

Shadow Shadow
سیاسه‌تی

شیوعیی عێراقی: بە كتێبەكەی مەلا بەختیار توشی شۆك نەبوین

2020.10.08 - 23:46
شیوعیی عێراقی: بە كتێبەكەی مەلا بەختیار توشی شۆك نەبوین

ناس کورد-

ئەندامێكی مەكتەبی سیاسیی حیزبی شیوعیی عێراقی ستایشی كتێبەكەی مەلا بەختیار دەكات، چونكە "دانپێدانێكی ڕاشكاوی بە بەرپرسیارێتی یەكێتی لەخۆ گرتووە لە هێرشی دوژمنكارانە بۆ سەر شیوعی".

 

جاسم حلفی، ئەندامی مەكتەبی سیاسیی حیزبی شیوعی لە وتارێكدا لە پەیجی تایبەتی خۆی (8 تشرینی یەكەمی 2020) نووسیویەتی: " دانپێدانێكی ڕاشكاوی بە بەرپرسیارێتی یەكێتی لەخۆ گرتووە لە هێرشی دوژمنكارانە بۆ سەر شیوعی بەپێی ڕێككەوتنێك لەگەڵ رژێمی دیكتاتۆری". 

 

حلفی باسی ئەو بەشەی كتێبەكە دەكات كە پەيوەندييەكە لەنێوان مەلا بەختیار و نەوشيروان مستەفادا لەڕێگەى بێتەلێكەوە كە فەرمانى پێكردووە پەلە بكات لە چونە ناو  شەڕكەرە شيوعيەكانەوە و بە شانازييەكى بكوژەوە پێى وتووە: "سەريانم پانكردەوە تۆش باڵيان ببڕە"، هەروەها باسى وردەكارى فەرمانە تاوانكاريەكان بۆ كوشتنى خەباتگێڕەكان و لەناوبردنيانى كردوە "كە تەنها لەلايەن خوێنڕێژێكى ڕۆچوو لە دڕندەييەوە دەردەكرێت".

 

دەشڵێت: "ئەو زانياريانەى لەناو كتێبەكەدا هاتووە شۆكى نەكردين، هيچ كەسێكمان زيادكردنێكى نوێمان نييە بۆ ئەوەى بينيمان كە ئاسەوارێكى قوڵى لە ويژداندا جێهێشت و برينێكى لەسەر ويژدانى مرۆڤايەتى جێهێشت."

 

تەئكيديشى كردوەتەوە: " ئەمڕۆ باسى ئەو پەڕەى غەدرە دەكەين بۆ پيشاندانى ڕاستيەكانى مێژوو و دادپەروەييە بەرامبەر قوربانيەكان كە غەدريان لێكرا تەنها لەبەر ئەوەى دژى ديكتاتۆرى خەباتيان دەكرد و دەيانويست كۆتايى پێبهێنن.

 

ئەو ئەندامەی مەکتەبی سیاسیی حزبی شیوعیی عێراقی ئاماژەی بەوەشكردووە: "هیچ گومانێکیش نییە لە گرنگیی ئەم هەڵوێستە ڕاستگۆیە بۆ مێژوو، کە قوربانییەکانی ئەو دوژمنکارییەی بە شەهیدی نیشتمان ئەژمار کردووە." 

 

لەدوای بڵاوكردنەوەی كتێبی (لەبری بیروەری) لەناوەڕاستى ئەیلوولى 2020  بەرپرسان و میدیای فەرمی بزوتنەوەی گۆڕان هێرشی زۆریان كردە سەر گێڕانەوەكانی مەلا بەختیار دەربارەی سەركردەی كۆچكردوو نەوشیروان مستەفا، بەمدوایانەش لەلایەن هەندێ فەرماندە و بەرپرسی ئێستا و پێشووی یەكێتیی نشیتمانیی ـ یەوە رەخنە لەناوەڕۆك و هەندێ گێڕانەوەی كتێبەكە گیراوە، لەپاش ئەو ڕەخنە زۆرانەش چەند جارێك مەلا بەختیار نوسەری (لەبری بیرەوەری) بە لێدوان و نووسین بەرگری لەگێڕانەوە و ناوەڕۆكی كتێبەكە بكات.