گه‌ڕان

Shadow Shadow
سیاسه‌تی

هونەرمەندێك هەرا دەنێتەوە ’’كۆندۆم و حەبی مەنع لە كامپی ئاوارەکان دابەش بکەن’’

2020.10.08 - 23:18
App store icon Play store icon Play store icon
هونەرمەندێك هەرا دەنێتەوە ’’كۆندۆم و حەبی مەنع لە كامپی ئاوارەکان دابەش بکەن’’

ناس کورد-

بەهۆی زۆری منداڵبوون لە خێوەتگەکانی پەنابەران و ئاوارەکان، هونەرمەندێكى سوريى داوا لەڕێکخراوە مرۆییەکان دەکات، "حەبی ڕێگریکردن لە منداڵبوون و کۆندۆم" وەک هاوکاری بگەیەننە خێوەتگەکان، ئەوەش کاردانەوەی جیاوازی لێکەوتووەتەوە.

کەناڵی ناس کورد لە تێلیگرام جۆین بکە   

 

ڕەشا ڕزق، گۆرانيبێژى سوريى لە هەژماری خۆى لە تۆڕە كۆمەڵايەتيیەكان بڵاويكردووەتەوە، بانگەوازێك بۆ سەرجەم ڕێكخراوە مرۆڤييەكان، تيمى ڕێكخراوى بنفسج، بەسمە و زەيتونە و سەرجەم كەسە چالاكوانەكانى بوارى مرۆيى، لەبەر خاترى خودا هاوكارى حەبى ڕێگەگرتن لە دووگيانى و كۆندۆم و چارەسەرى نەخۆشيەكان بنێرنە خێوەتگەى ئاوارەكان.

 

باسى لەوشەكردووە، تاوانى منداڵێك چييە كە لە خوێندن و مافە سەرەتاييەكان و ژيان بێبەش دەكرێت؟ تەنها لەپێناو ئەوەى دايك و باوكيان مافى منداڵبوون پەيڕەو بكەن.

 

ئەو هونەرمەندە هێماى بۆ ئەوەشكردووە: "مافى منداڵ كارى لەپێشينەيە و لە پلەى دووەم نايەت دواى مافى پێگەيشتوان بۆ منداڵبوون، هەركەس لە خێوەتگەكان منداڵ بخاتەوە ئەوا حوكمى تاوانبارى هەيە، با كاربكەين بۆ ڕێگەگرتن لە دوگيانبوون، سوريا وڵاتێكى ئارام نييە بۆ منداڵبوون."

 

ئەو داواكاریيەى هونەرمەندە سورييەكە هەراى ناوەتەوە و چەندين ڕاو و بۆچوونى جياوازى لێكەوتەوە، هەندێك دژى وەستاونەتەوە و هێرشيان كردووەتە سەرى بە پاساوى ئەوەى مافى هەموو هاوسەرێكە كە منداڵيان ببێت و خێزان پێكەوە بنێن بارودۆخى ئابوريى و ژيان و گوزەرانيان هەرچۆنێك بێت، هەندێكيش بە تەواوەتى لەگەڵ بۆچونەكەيدان.