گه‌ڕان

Shadow Shadow
سیاسه‌تی

دیسان سلێمانی زۆرترین گیانلەدەستدانی بەکۆرۆنا لەعێراق تۆمارکرد

2020.10.08 - 16:01
App store icon Play store icon Play store icon
دیسان سلێمانی زۆرترین گیانلەدەستدانی بەکۆرۆنا لەعێراق تۆمارکرد

ناس کورد-

بەگوێرەی ئاماری 24 کاتژمێری ڕابردووی کۆرۆنا لە عێراق، 3522 توشبووی نوێی ڤایرۆسەکە تۆمارکراون و 79 توشبووش گیانیانلەدەستداوە کە زۆرترینیان لەشاری سلێمانی بوون و تەنها لەو پارێزگایە 21 کەس گیانیانلەدەستداوە.

کەناڵی ناس کورد لە تێلیگرام جۆین بکە   

 

لەڕاگەیەندراوێکدا وەزارەتی تەندروستیی عێراق (پێنجشەممە 8ی تشرینی یەکەمی 2020) ڕایگەیاند، لە 24 کاتژمێری ڕابردوودا 3522 توشبووی نوێی ڤایرۆسەکە لەسەرانسەری عێراق دەستنیشانکراون و کۆی گشتیی توشبووان گەیشتووەتە، 394 هەزار و 566 توشبوو. 

 

ئاماژەی بەوەشكردووە، هاوکات 79 توشبووی دیکە گیانیانلەدەستداوە، کە سلێمانی لەپلەی یەکەمدایە بە 21 گیانلەدەستدان و کۆی گیانلەدەستدانیش بە ڤایرۆسەکە لەعێراق گەیشتە 9683 گیانلەدەستدان. 

 

بەگوێرەی ڕاگەیەندراوەکە، چوار هەزار و 31 توشبووش چاکبوونەتەوە، واتە ژمارەی چاکبووان لە توشبووان زیاترن و ڕێژەی چاکبوونەوەش گەیشتە %82.1.