گه‌ڕان

Shadow Shadow
سیاسه‌تی

بەڵگەنامەیەك: دادگای دهۆك بێتاوانی چالاكوانێكی سەلماندووە بەڵام هێشتا هەر لە گرتووخانەدایە

2020.10.08 - 10:32
App store icon Play store icon Play store icon
بەڵگەنامەیەك: دادگای دهۆك بێتاوانی چالاكوانێكی سەلماندووە بەڵام هێشتا هەر لە گرتووخانەدایە

ناس كورد-

دادگای تاوانەكانی دھۆک بڕیاری بێتاوانی بەدەل بەرواری، چالاكوانی شارەكەی داوە، بەڵام تا ئێستا ئازاد نەکراوە كە نزیكەی 50 رۆژە لە زینداندا هێڵدراوەتەوە.

 

کەناڵی ناس کورد لە تێلیگرام جۆین بکە   

مامۆستا بەدەل بەرواری، كە لە پەیوەست بە خۆپیشاندان و ناڕەزایەتییەكانی مانگی ئابی هەرێمی كوردستانەوە، بە تۆمەتی خراپ بەكارهێنانی ئامێرەكانی پەیوەندی، لە دهۆك دەستگیركرابو، لەلایەن دادگای تاوانەكانی ئەو شارەوە لە رۆژی 4/10/2020، بڕیاری ئازادكردنی دراوە.

 

لە بڕیارەكەى دادگادا ئاماژە بەوە دراوە كە ئەوەی بەدەل بەرواری كردویەتی دەچێتە خانەی رەخنەگرتن لە حوکمەت و ئازادی بیروڕا و کارێکی ڕێپێدراوە بەگوێرەی دەستوری عێراق و ڕێککەوتننامە نێودەوڵەتیەکانی مافی مرۆڤ و یاساکانی ھەرێمیش، چونکە ئەو تەنھا رەخنەی لە گەندەڵی حكومەت و دواكەوتنی موچە گرتوە.

 

 حاكم شێخ لەتیف مستەفا، ئاشكرایكردوە"بەداخەوە تا دوێنێش ناوبراو ئازاد نەکراوە و دەڵێن کەیسی ترو تاوانی تریان خستۆتە پاڵ."

 

حاكم شێخ لەتیف، لەبارەی ئەو كەیسەوە رەخنەی لە "حیزبەکانی شێری سلێمانی و ڕێوی ھەولێرێ" گرتوە و وتویەتی"لەکاتێکدا لەرێککەوتننامەی پێکھێنانی حوکمەتە ئیئتیلافیەکەیاندا باسی پاراستنی ئازادیەکانیان کردوە كەچی بەدەل بەرواری لەسەر ھیچ ئەوە نزیکەی ٥٠ ڕۆژە بەناوی یاسا گیراوە."