گه‌ڕان

Shadow Shadow
سیاسه‌تی

بانكە ناوەنديەكان دەستيان كردوە بە فڕۆشتنى ئاڵتون

2020.10.07 - 16:58
App store icon Play store icon Play store icon
بانكە ناوەنديەكان دەستيان كردوە بە فڕۆشتنى ئاڵتون

ناس کورد- 

ئەنجومەنى زێڕى جيهانى ئاشكرايكرد، لە مانگى ئابدا بانكە ناوەنديەكان زياتر لەوەى كڕيويانە زێڕيان فڕۆشتوە، ئەوەش كۆتايى بە ساڵ و نيوێكى زيادەى كڕينى هێنا و بەهۆى ئەوەشەوە نرخەكەى لە سەركەوتنى زياتر وەستا.

 

کەناڵی ناس کورد لە تێلیگرام جۆین بکە   

بەگوێرەى ڕاپۆرتە ئابورييە جيهانيەكان، لەسەرەتاى ساڵى 2019 نرخى زێڕ لە سەرووى 1500 دۆلارەوە بووە، بەڵام لە مانگى ئابى ڕابردوو گەيشتوەتە نرخێكى پێوانەيى كە 2070.50 دۆلار بووە، دواتر دابەزييەوە بۆ 1900 دۆلار.

 

ئەوەش هاتوە، وەبەرهێنەران لە ئەوروپا و ئەمريكاى باشور بوونە هۆى بەرزبونەوەى نرخى زێڕ، چونكە بڕێكى زۆريان كۆكردنەوە بەهيواى ئەوەى نرخەكەى بپارێزن لە كاتى قەيرانى كۆرۆنادا، بەڵام داواكارى بەكارهێنەرە سەرەكييەكان وەك كڕياران و بانكە ناوەنديەكان لاواز بوو، ئەوەش ترسى لە بەردەوامى بەرزبونەوەى نرخەكەى دروستكرد.

 

ئەنجومەنى زێڕى جيهانى ئاماژەى بەوەداوە، بانكە ناوەنديەكان بە كۆى گشتى 35 هەزار تۆن كە دەكاتە نزيكەى دوو ترليۆن دۆلار زێڕيان لايە.

 

ڕونيشيكردوەتەوە، لە مانگى ئابدا 12.3 تۆنيان فڕۆشتوە كە زياترە لەوەى كڕيويانە، لەكاتێكدا لەساڵى 2018 بڕى 656 تۆنيان كڕي بوو ئەوەش بەرزترين ژمارەيە لە ماوەى نيو سەدەدا، هەروەها ساڵى ڕابردوو 650 تۆنيان كڕى بوو.