گه‌ڕان

Shadow Shadow
سیاسه‌تی

ئەندامێکی گۆڕان لە ئەنجومەنی پارێزگای سلێمانی: دەستگیر نەکراوم

2020.10.06 - 21:50
App store icon Play store icon Play store icon
ئەندامێکی گۆڕان لە ئەنجومەنی پارێزگای سلێمانی: دەستگیر نەکراوم

ناس کورد-

لە سنوری ئیدارەی گەرمیان چەند کەسێک بەتۆمەتی کاری تەزویکردن و قاچاخچێتی دەستگیرکران، لە چەند میدیا و پەیجێکی تۆڕە کۆمەڵایەتییەکان ناوی ئەندامێکی ئەنجومەنی پارێزگای سلێمانی دەهێنرێت کە دەستگیرکرابێت، بەڵام ناوبراو ڕەتی دەکاتەوە و دەڵێت، ئەو زانیارییانە دوورن لەڕاستییەوە.

کەناڵی ناس کورد لە تێلیگرام جۆین بکە   

 

ئەمشەو (6ی تشرینی یەکەمی 2020) هەواڵی دەستگیرکردنی محەمەد شێخ وەهاب، ئەندامی ئەنجومەنی پارێزگای سلێمانی لە فراکسیۆنی گۆڕان و چەند کەسێکی دیکە بە تۆمەتی "کاری تەزویر لە مەرزی پەروێزخان" بڵاوبووەوە.

 

ناس کورد پەیوەندی بەو ئەندامەی ئەنجومەنی پارێزگای سلێمانییەوە کرد و ناوبراو وەڵامی دایەوە و ڕایگەیاند: "ئەو هەواڵە دوورە لەڕاستییەوە و من لە ماڵەوە دانیشتووم، نە دەستگیرکراوم و نە فەرمانی دەستگیرکردنیشم بۆ دەرچووە، ئامادەشم لەسەر هەرشتێک کە لەسەرم بڵاودەکرێتەوە بچمە بەردەم دادگا."

 

محەمەد شێخ وەهاب ئاماژەی بەوەشكرد: "هەندێک کەس هەن ماوەیەکی زۆرە دژایەتی من دەکەن بەهۆی ئەو کارانەی من دەیکەم، بۆیە ئەو زانیارییە ناڕاستانە بڵاودەکەنەوە  وتۆمەت دەدەنە پاڵم، من ئەندامی ئەنجومەنی پارێزگای سلێمانیم و هەرشتێک کە لەسەرم بڵاودەکرێتەوە ئەگەر بسەلمێنرێت با ڕووبەڕووی دادگام بکەنەوە."

 

هاوکات سەرچاوەیەک لە بەڕێوەبەرایەتیی پۆلیسی گەرمیان بەبێ ئەوەی ناوی هیچ بهێنێت بە ناس کوردی وت: "چەند کەسێک بەتۆمەتی کاری تەزویرکردن لەسنوری ئیدارەی گەرمیان دەستگیرکراون."

 

وتیشی: "چەند کەسێکی دیکەش فەرمانی دەستگیرکردنیان بۆ دەرچووە و فەرمانکراوە کە ڕێگەی چوونەدەرەوەی وڵاتیان لێبگیرێت."