گه‌ڕان

Shadow Shadow
سیاسه‌تی

ئامارێکی فەرمی ڕێژەى بێکاری لەناو کرێکارانی هەرێم ئاشکرا دەکات

2020.10.06 - 17:20
App store icon Play store icon Play store icon
ئامارێکی فەرمی ڕێژەى بێکاری لەناو کرێکارانی هەرێم ئاشکرا دەکات

ناس کورد - هەڤاڵ فەتاح

وەزارەتی کار و کاروباری کۆمەڵایەتی هەرێمی کوردستان ڕاگەیاند، لە %100ی ئەو کرێکارە بیانیانەی کە لە هەرێمی کوردستان کاردەکەن دەستەبەرنەکراون و بەقاچاخ هێنراون بۆ شارەکانی هەرێم، ئەوەش هۆکارێکە کە لە ئێستادا 50%ی کرێکارانی ناوخۆی هەرێم بێکارن.

کەناڵی ناس کورد لە تێلیگرام جۆین بکە   

 

ئاریان ئەحمەد، وتەبێژی وەزارەتەکە (5ی تشرینی یەکەمی 2020) بە ناس کوردی ڕاگەیاند: "ئەگەر ڤایرۆسی کۆرۆنا نەبوایە، فڕۆکەخانەکان و دەروازەکان بەهۆی ئەو پەتایەوە دانەخرانایە، ئەوا ژمارەی کرێکارانی بیانی دووهێندی تر لە هەرێمی کوردستان زیادی دەکرد".

 

وتیشی: "ئەو کرێکارانە لە 100%یان دەستەبەر نەکراون و هیچ تۆمارێک و زانیارییەکیان لای ئێمە نییە، ولە ئێستادا بوونەتە بارگرانی بەسەر شانی کرێکارانی ناوخۆیی هەرێمی کوردستان، چونکە بەکەمترین نرخ کاردەکەن و دەرفەتی کاریان بۆ کرێکاری ناوخۆیی کەمکردووەتەوە".

 

بەوتەی ئاریان ئەحمەد، "بوونی ئەو کرێکارانە هاوشان لەگەڵ دۆخی سەختی ئابووری هەرێمی کوردستان وبڵاوبوونەوەی ڤایرۆسی کۆرۆنا وایکردووە باری ژیانی کرێکارانی ناوخۆ زیاتر سەخت بێت، بە جۆرێک پێشبینی دەکەین لە 50%ی کرێکارانی خۆماڵی لە ئێستادا بێکاربن".

 

"چ ڵۆژیکێکی تێدایە کرێکاری بەڕەگەز نیپاڵی، ئەفریقی بە قاچاخ بهێنرێت بۆ هەرێمی کوردستان بۆ ئەوەی وەک باخەوان کار بکات،" وتەبێژی وەزارەتی کار و کاروباری کۆمەڵایەتی هەرێمی کوردستان وادەڵێت.