گه‌ڕان

Shadow Shadow
سیاسه‌تی

مامۆستایانی ناڕازی لە بەغداش پەیدا بوون.. ’’موچە نەیەت خۆپیشاندان دەکەین’’

2020.10.06 - 00:13
App store icon Play store icon Play store icon
مامۆستایانی ناڕازی لە بەغداش پەیدا بوون.. ’’موچە نەیەت خۆپیشاندان دەکەین’’

ناس کورد-

سەندیکای مامۆستایانی عێراق نیگەرانی خۆی لە بارەی دواکەوتنی موچە نیشاندا و ڕایگەیاند، بۆ بەدەستهێنانی مافەکانیان ڕێگەی خوپیشاندان و کاری مەدەنی دەگرنە بەر.

کەناڵی ناس کورد لە تێلیگرام جۆین بکە   

 

سەندیکای مامۆستایانی عێراق (5ی تشرینی یەکەمی 2020) ڕاگەیاندراوێکی ئاڕاستەی حکومەت کرد و تێیدا هاتووە، "شکستهێنان لە دابینکردنی قوت و بژێوی ژیانی هاوڵاتیان بەڵگەیە لەسەر نەبوونی هەست بە بەرپرسیارێتی  بەرامبەر بە پێدوایستییەکانیان".

 

ئاماژە بەوەکراوە، "خەرج نەکردنی موچە و شایستە داراییەکانی  هاوڵاتیان و پەنا بردن بۆ وەرگرتنی قەرز شکستێکە ئۆباڵی دەکەوێتە ئەستۆی گەندەڵکاران و ئەو حکومەتانەی  کە یەک لە دوای یەک  لەماوەی ڕابردوودا فەرمانەڕواییان کردووە".

 

سەندیکا مامۆستایان عێراق کێشەی خەرجنەکردنی موچەی فەرمانبەرانی خستووە ئەستۆی حکومەت و پەرلەمان و هەڕەشەی گرتنەبەری خوپیشاندان و کاری مەدەنی کرد بۆ بەدیهێنانی مافەکان، ڕاشیگەیاند، "ئێمە نیگەرانین لەوەی کە گەلی عێراق لە پێناو ئەم حکومەتەدا نزیکەی 600 شەهید و25 هەزار برینداری داوە".