گه‌ڕان

Shadow Shadow
سیاسه‌تی

’’قوباد تاڵەبانی لە پەڕلەمان پەپجی دەكات’’

2020.10.05 - 14:24
App store icon Play store icon Play store icon
’’قوباد تاڵەبانی لە پەڕلەمان پەپجی دەكات’’

ناس كورد- 

بەپێی وێنەیەك كە لە هەندێ پەیجی سۆشیال میدیا بڵاوە قوباد تاڵەبانی جێگری سەرۆكی حكومەت لە دانیشتنی ئەمڕۆی پەڕلەماندا یاری پەپجی دەكات، بەڵام بەپێی بەدواداچوونی "ناس كورد" كاری فۆتۆشۆپە.

کەناڵی ناس کورد لە تێلیگرام جۆین بکە   

هەر بەپێی بەدواداچوونەكە ئەو یارییەی لە وێنەكەدا دەركەوتووە "فۆرت نایتە" و "پەپجی" نییە وەك لە هەواڵە ساختەكەدا بڵاوە، هەروەها لەكاری فۆتۆشۆپەكەدا پێنوسی ئایپادەكە لابراوە و بەشێوازێكی هونەری یارییە ئەلەكترۆنییەكە لەجێگەی دانراوە.

me_ga.php?id=1126

هەواڵ و وێنەی ناڕاست "فەیك نیوز" یەكێكە لەو مەترسیانەی بەمدواییانە بەرۆكی میدیا و رۆژنامەگەریی گرتووە بەتایبەتتر سۆشیال میدیا، بەپێی شیكارێكی دامەزراوەی "بي بي سي" لە "ئازاری 2020"، مەرج نییە نێچیری هەواڵی ناڕاست هەر خەڵكی نا شارەزابن، بەڵكە زۆرجار ئەوانەی ئاستێكی بەرزی خوێندن و شارەزاییان هەیە دەكەونە تەڵەی هەواڵ و وێنەی ناڕاستەوە.

بەپێی توێژینەوەیەك كە شارەزایانی "ئامۆژگای تەكنەلۆجی ماساچوتس" كردوویانە پاش بەدواداچوون بۆ 126 هەزار چیرۆكی تۆڕە كۆمەڵایەتییەكان، هەواڵی ساختە خێراتر و زۆرتر و قووڵتر لە هەواڵی ڕاست بڵاو دەبێتەوە لەناو هەموو تەمەنەكان بەچەند قات.