گه‌ڕان

Shadow Shadow
سیاسه‌تی

زانیاریی نوێ لەبارەى دەستگیرکراوەکانى نەوەى نوێ، پێنج خۆبەخشیان ئازادکراون

2019.05.01 - 21:18
زانیاریی نوێ لەبارەى دەستگیرکراوەکانى نەوەى نوێ، پێنج خۆبەخشیان ئازادکراون
ئاسایش جگە لە فۆتۆگرافەر و سکرتێری شاسوار عەبدولواحید سەرجەم دەستگیرکراوانی ئەمرۆی نەوەی نوێی ئازادکرد سەرچاوەیەکى باڵا لە جوڵانەوەى نەوەى نوێ ڕایگەیاند، پێنج لەو خۆبەخشانەى نەوەى نوێ کە ئەمرۆ لەلایەن هێزە ئەمنییەکانی سلێمانییەوە دەستگیرکران ئازاد کراون و تەنها سکرتێر و فۆتۆگرافەرەکەى شاسوار عەبدولواحید لە زینداندا ماونەتەوە. ئەو سەرچاوەیە بە ناس کورد-ی وت، کاتژمێر حەوتی ئێوارە ئاسایشی سلێمانی پێنج لەو خۆبەخشانەى ئازادکردووە کە نیوەڕۆی ئەمڕۆ لە ئۆفیسی سەرەکی جوڵانەوەکە لە سلێمانی دەستگیرکردبوون و سەرجەمیان ئیفادەیان پێ پڕکراوەتەوە. ئاماژەى بەوەشکرد، ئەو دوو کەسە لە ئاسایش ماون یەکێکیان بە ناوی "ڕەوەند" کە سکرتێر و ئەوی تریان "زەردەشت" کە فۆتۆگرافەری شاسوار عەبدولواحیدن لە زینداندا ماون.