گه‌ڕان

Shadow Shadow
سیاسه‌تی

مەلا بەختیار هەڕەشەیەكی نوێ دەربارەی نەوشیروان مستەفا دەكات

2020.10.04 - 16:59
App store icon Play store icon Play store icon
مەلا بەختیار هەڕەشەیەكی نوێ دەربارەی نەوشیروان مستەفا دەكات

ناس کورد-

مەلا بەختیار هەڕەشەی ئەوەیكرد ئەگەر لەو وەڵامەی گۆڕان بۆ كتێبەكەی ئامادەی دەكەن پێویستی كرد ئەمیش هەندێ لەو بروسكانەی نەوشیروان مستەفا بڵاو دەكاتەوە كە لای خۆی هەڵیگرتوون.

 

کەناڵی ناس کورد لە تێلیگرام جۆین بکە   

مەلا بەختیار، نووسەرى کتێبى (لەبرى بیرەوەرى) کە کتێبەکەى مشتومڕێکى زۆرى دروستکردووە و لەتۆڕە کۆمەڵایەتییەکان وتارێکى زۆرى لەبارەوە نووسراوە، لە دیدارێکى تایبەتدا کە پەیامنێرى ناس کورد ئامادەى بوو ئاماژەى بەوە کرد زۆرێک لەو بروسکانەى نەوشیروان مستەفاى لەلا هەیە و ئەگەر ناچار بکرێت بڵاوى دەکاتەوە و وتیشى "لەبەر ئەمانەتی مێژوویی هەڵمگرتووە و هەمووشت بڵاو ناكرێتەوە، لەو كتێبەشی ئەنوسرێ و وەڵامی من ئەدەنەوە ئەگەر ناچاربم بۆ وەڵامدانەوە هەندێكی بڵاو دەكەمەوە ".

 

لەدوای بڵاوكردنەوەی كتێبی (لەبری بیروەری) لەناوەڕاستى ئەیلوولى 2020  بەرپرسان و میدیای فەرمی بزوتنەوەی گۆڕان هێرشی زۆریان كردە سەر گێڕانەوەكانی مەلا بەختیار دەربارەی سەركردەی كۆچكردوو نەوشیروان مستەفا، بەمدوایانەش لەلایەن هەندێ فەرماندە و بەرپرسی ئێستا و پێشووی یەكێتیی نشیتمانیی ـ یەوە رەخنە لەناوەڕۆك و هەندێ گێڕانەوەی كتێبەكە گیراوە، لەپاش ئەو ڕەخنە زۆرانەش ئەمە سێیەم جارە مەلا بەختیار نوسەری (لەبری بیرەوەری) بە لێدوان و نووسین بەرگری لەگێڕانەوە و ناوەڕۆكی كتێبەكە بكات، یەكەمیان لە كۆنگرەیەكی رۆژنامەوانی و دوو جارەكەیتر بە نووسین لەپەیجی تایبەتی خۆی.