گه‌ڕان

Shadow Shadow
سیاسه‌تی

وێنە؛ ئاپۆڕای عەمرەکاران دوای حەوت چەندین مانگ لە هەڵپەساردنی

2020.10.04 - 09:00
App store icon Play store icon Play store icon
وێنە؛ ئاپۆڕای عەمرەکاران دوای حەوت چەندین مانگ لە هەڵپەساردنی

ناس کورد-

دوای حەوت مانگ لە ڕاگرتن و هەڵپەساردنی مەراسیمی عەمرە لە سعودیە بەهۆی بڵاوبوونەوەی پەتا کۆرۆنا، شەوی ڕابردوو جارێکی تر دەرگای حەرەمەین بەڕووی گەشتیاراندا کرایەوە و مەراسیمەکە بەڕێوەچوو، بەشداربووانیش تەنها سعودی بوون.

کەناڵی ناس کورد لە تێلیگرام جۆین بکە   

 

بەپێی هەواڵی میدیای فەرمی سعودیە (4ی تشرینی یەکەمی 2020)، "بەپێی پلانی وەزارەتی حەجی سعودیە، لە قۆناغی یەکەمدا ڕۆژانە تەنها شەش هەزار لە هاوڵاتیانی و دانیشتوانی ناوەوەی وڵاتی سعودیە بەشدار بن، ئەویش بە ڕێکاری توندی تەندروستی".

 

زیاتر بخوێنەوە: وردەکاریی دەستپێکردنەوەى گەشتى عەمرە بە چوار قۆناغ

ئاماژە بەوەشکراوە، "ئەو ژمارەیە دابەش کراوە بەسەر شەش کاتی جیاواز و لە هەر کاتێکدا تەنها  هەزار کەس دەتوانن مەراسیمەکە ئەنجام بدەن، وماوەی مانەوەی ئەو ژمارەیەش دیاریکراوە و سێ کاتژمێر دەبێت و پێویستە لەو ماوە دیاریکراوەدا تەواوی بکات".

هاوکات لە سەرەتای مانگی داهاتووەوە زیارەتکارانی دەرەوەى سعودیەش دەتوانن سەردانی سعودیە بکەن و ئەو ڕێوڕەسمە ئەنجام بدەن.

 

زیاتر بخوێنەوە: هەرێمی کوردستان چاوەڕوانى ’’دوو هەنگاوە’’ بۆ دەستپێکردنەوەى عەمرە

 

وەزارەتى ئەوقاف و کاروبارى ئاینى حکومەتى هەرێمى کوردستان چاوەڕوانى "دوو هەنگاوە" بۆ دەستپێکردنەوەى گەشتى عەمرە، ئەوەش دواى بڕیارەکەى سعودیە بۆ دەستپێکردنەوەى ئەو پڕۆسەیە لە سەرەتای مانگى داهاتوودا.

 

ماوەى حەوت مانگە بەهۆى بڵاوبوونەوەى پەتاى کۆرۆناوە سعودیە گەشتى عەمرەى ڕاگرتووە و بەپێی بڕیارێکى نوێى ئەو وڵاتە، بڕیارە بە چوار قۆناغ و لەمانگى داهاتووەوە ئەو پڕۆسەیە دەستپێبکاتەوە.

 

نەبەز ئیسماعیل، وتەبێژى وەزارەتى ئەوقاف و کاروبارى ئاینى حکومەتى هەرێمى کوردستان بە ناس کوردى ڕاگەیاند، "هەموو ئامادەکارییەکمان کردووە بۆ دەستپێکردنەوەى گەشتى عەمرە، کۆمپانیاکانمان ئامادەن گەشتیاران بگوازنەوە".