گه‌ڕان

Shadow Shadow
سیاسه‌تی

شەڕە مشتەکۆڵە کەوتە نێوان چەکدارانی هەسەدە و هێزەکانی ئەسەد

2020.10.03 - 19:18
App store icon Play store icon Play store icon
شەڕە مشتەکۆڵە کەوتە نێوان چەکدارانی هەسەدە و هێزەکانی ئەسەد

ناس کورد-

ڕوانگەی سوری بۆ مافەکانی مرۆڤ ڕایگەیاند، لە پارێزگای ڕەقە شەڕە مشتەکۆڵە نێوان چەکدارانی قەسەد و هێزەکانی ئەسەد ڕوویدا و هۆکارەکەشی بۆ دزیکردن لە کۆگایەکی هەسەدە لەلایەن سەربازانی سەر بە ئەسەد گەڕاندووەتەوە.

کەناڵی ناس کورد لە تێلیگرام جۆین بکە   

 

ڕوانگەکە (3ی تشرینی یەکەمی 2020) بڵاویکردەوە، لەشاری عەین عیسای سەر بە پارێزگای ڕەقە لە لیوای "93"ی هاوبەشی سوپای سوریا شەڕە مشتەکۆڵە لەنێوان چەکدارانی هەسەدە و ڕژێمی سوریادا ڕوویداوە کە لەو لیوایەدا چەکدارانی هەسەدە و حکومەتیش لەو لیوایەدان.

 

ئاماژەی بەوەشکردووە: " شەڕەکە لەدوای ئەوە ڕوویداوە کە چەکدارانی ڕژێمی سوریا، دزی-یان لە کۆگایەکی پێداویستی لۆجستیی هەسەدە کردووە."

 

بەگوێرەی ڕوانگەی سوری، هێزەکانی ڕووسیا دەستێوەردانیان لەشەڕەکەدا کردووە و پەلاماری هێزەکانی ڕژێمی سوریایان داوە، ئەوەش بەهۆی ئەو کارەی ئەنجامیانداوە.