ناس کورد-
لە یەکەم کاردانەوەى بەرپرسانی هەرێم لەبارەى توشبوونی ترەمپ و هاوسەرەکەى بە ڤایرۆسی کۆرۆنا، نێچیرڤان بارزانی، سەرۆکى هەرێمی کوردستان هیوای زوو چاکبوونەوە بۆ هەردووکیان دەخوازێت.
کەناڵی ناس کورد لە تێلیگرام جۆین بکە
نێچیرڤان بارزانی لە تویتێکدا دەڵێت، "نزا دەکەم بۆ دۆناڵد ترەمپ، سەرۆکى ئەمریکا و خاتوو میلانیای ترەم و دڵمان لایەتی، هیوادارم ئەوان و هەموو ئەوانەشی توش بوون بە کۆرۆنا بە زوویی چاکببنەوە."
My thoughts and prayers are with U.S. President @realDonaldTrump and First Lady Melania Trump. I wish them and all infected with coronavirus a quick and full recovery.
— Nechirvan Barzani (@IKRPresident) October 2, 2020
ئەمڕۆ هەینی، 2ی تشرینی یەکەمی 2020، دۆناڵد ترەمپ، سەرۆکى ئەمریکا لە تویتێکدا ڕایگەیاند، "ئەمشەو، پشکنینی میلانیا و من بۆ کۆڤید-19 پۆزەتیڤ بوو، دەستبەجێ دەستدەکەین بە کەرەنتینە و پرۆسەی چاکبوونەوەمان. ئێمە پێکەوە تێی دەپەڕێنین."
پزیشکەکەى ترەمپ لە ئاژانسی ئاسۆشییەتد پرێسی ڕاگەیاند، ترەمپ لە کارەکانی خۆی بەردەوام بەبێ بچڕان بەردەوام دەبێت بەڵام لە کەرەنتینەدا دەمێنێتەوە.
لەدوای توشبوونی، دەستبەجێ ترەمپ میتینگی هەڵمەتی هەڵبژاردنەکانی لە فلۆریدا هەڵوەشاندەوە.
