گه‌ڕان

Shadow Shadow
سیاسه‌تی

یەکەم لێدوانی میلانیا دوای توشبوونی خۆی و ترەمپ بە کۆرۆنا

2020.10.02 - 08:59
App store icon Play store icon Play store icon
یەکەم لێدوانی میلانیا دوای توشبوونی خۆی و ترەمپ بە کۆرۆنا

ناس كورد-

لە یەکەم لێدوانیدا دوای توشبوونی خۆی و هاوسەرەکەى، میلانیا ترەمپ جەختیکردەوە کە ئەو باشە و چووەتە کەرەنتینەوە.

کەناڵی ناس کورد لە تێلیگرام جۆین بکە   

 

دوای چەند خولەکێک لە تویتەکەى ترەمپ کە توشبوونی خۆی و میلانیای بە ڤایرۆسی کۆرۆنا ڕایگەیاند، میلانیا تویتێکی کرد و ڕایگەیاند، "وەک زۆربەى ئەمریکییەکان ئێمەش خۆمان کەرەنتینە دەکەین دوای توشبوونمان بە کۆرۆنا."

 

دەشڵێت، "ئێمە باشین، بەڵام ئەوە تەواوی چالاکی و پەیوەندییەکان هەڵدەوەشێنێتەوە کە پێشتر بڕیاریان لێدرا بوو."

 

هەروەها داواشی لە ئەمریکییەکان کردووە ئاگایان لەخۆیان بێت بۆئەوەى سەلامەت بن و جەختیکردووەتەوە کە "ئەو و ترەمپ و هەموو ئەمریکییەکان پێکەوە ئەو قۆناغە تێدەپەڕێنن."

 

هاوکات پزیشکی کۆشکی سپی ئاشکرایکرد، دۆخی تەندروستی ترەمپ و هاوسەرەکەى لە ئێستادا باشە و هەردووکیان لە کۆشکی سپی کەرەنتینە دەکرێن.  

  

ئەمڕۆ هەینی، 2ی تشرینی یەکەمی 2020، دۆناڵد ترەمپ، سەرۆکى ئەمریکا لە تویتێکدا ڕایگەیاند، "ئەمشەو، پشکنینی میلانیا و من بۆ کۆڤید-19 پۆزەتیڤ بوو، دەستبەجێ دەستدەکەین بە کەرەنتینە و پرۆسەی چاکبوونەوەمان. ئێمە پێکەوە تێی دەپەڕێنین."       

  

پزیشکەکەى ترەمپ لە ئاژانسی ئاسۆشییەتد پرێسی ڕاگەیاند، ترەمپ لە کارەکانی خۆی بەردەوام بەبێ بچڕان بەردەوام دەبێت بەڵام لە کەرەنتینەدا دەمێنێتەوە.  

  

لەدوای توشبوونی، دەستبەجێ ترەمپ میتینگی هەڵمەتی هەڵبژاردنەکانی لە فلۆریدا هەڵوەشاندەوە.