گه‌ڕان

Shadow Shadow
سیاسه‌تی

وەزارەتى دەرەوەى ئەمريكا: لێبوردە نابين بەرامبەر ئەو هێرشانەى دەكرێتە سەرمان

2020.10.01 - 23:33
وەزارەتى دەرەوەى ئەمريكا: لێبوردە نابين بەرامبەر ئەو هێرشانەى دەكرێتە سەرمان

ناس کورد- 

ياريدەدەرى وەزيرى دەرەوەى ئەمريكا بۆ كاروبارى ڕۆژهەڵاتى ناوەڕاست ڕایگەیاند، وڵاتەكەى نەرمى نانوێنێت دژى ئەو هێرشانەى لە عێراق دەكرێتە سەر بەرژەوەنديەكانى ئەمريكا.

 

ديڤيد شينكر، یاریدەدەری وەزیری دەرەوەی ئەمریکا بۆ کاروباری ڕۆژهەڵاتی ناوەڕاست لە لێدوانێكى رۆژنامەوانيدا باسى لەوەكردووە، ئەمريكا لێبوردە نابێت بەرامبەر ئەو هەڕەشانەى دەکرێتەسەر بەرژەوەندییەکانیان و ژنان و پياوانى ئەمريكا، هەروەها كاتێك زانيمان پێويستە دودڵ نابين لە گرتنەبەرى ڕێوشوێنى پێويست بۆ پاراستنى سەلامەتى كارمەندەكانمان.

 

وتيشى، وەزارەتى دەرەوەى ئەمريكا دەيەوێت كار لەگەڵ دەسەڵاتدارانى عێراق بكات بۆ پاراستنى بەرژەوەنديەكانى ئەمريكا، تاكە كێشەى گەورە لە عێراق بريتييە لەو ميليشيايانەى كە ئێران پشتگيريان دەكات و سەقامگيرى تێكدەدەن لەڕێگەى هێرشكردنە سەر بەرژەوەنديەكانى ئەمريكا و لە دەرەوەى حكومەت كاردەكەن.

 

 ياريدەدەرى وەزيرى دەرەوەى ئەمريكا بۆ كاروبارى ڕۆژهەڵاتى ناوەڕاست هێماى بۆ ئەوەشكرد، ئەو گروپانە بەردەوام موشەك دەنێن بە باڵيۆزخانەى ئەمريكا و هێرش دەكەنە سەر ئەمريكيەكان و دبلۆماسيەكان و كەسانى تر، هەڕەشە لەسەر ياسا و سيستمى عێراق دروستدەكەن بەشێوەيەكى گشتى.

 

تەئكيديشى كردووەتەوە، كاردەكەن و دەیانەوێت لەكاركردن لەگەڵ هاوبەشە عێراقيەكانیان بەردەوام بن بۆ ئەوەى كارمەندەكانیان و دامەزراوەكانیان پارێزراوبن.