گه‌ڕان

Shadow Shadow
سیاسه‌تی

ئیندیپێندێنت پلانی كازمی بۆ بەرەنگاربوونەوەی هێرشە موشەكییەكان ئاشكرا دەكات

2020.10.01 - 23:13
ئیندیپێندێنت پلانی كازمی بۆ بەرەنگاربوونەوەی هێرشە موشەكییەكان ئاشكرا دەكات

ناس کورد-

ماڵپەڕی ئیندیپێندێنتی بەریتانی ئاشكرایكرد، لەمەولا هێرشی موشەكی لەهەركوێی عێراق ئەنجام بدرێت، دەستبەجێ حكومەت سزای فەرماندە ئەمنییەكانی ئەو ناوچەیە دەدات.

 

ماڵپەڕەكە لەمیانەی راپۆرتێكدا ئەمڕۆ (1 تشرینی یەکەمی 2020) باسی لەوەكردووە، مستەفا كازمی توانیویەتی متمانە بەئەمەریكییەكان بكات باڵیۆزخانەكەیان نەكشێننەوە بەهۆی هێرشە موشەكییەكانەوە، "بەڵام وادیارە ئەمە پڕ مەترسی و شڵۆقە، ئەگەر حكومەت نەتوانێت كۆتایی بەهێرشەكان بهێنێت".

 

ماڵپەڕەكە ئەوەشی بڵاوكردووەتەوە، لەمەولا هێرشی موشەكی لەهەركوێی عێراق ئەنجام بدرێت، دەستبەجێ حكومەت سزای فەرماندە ئەمنییەكانی ئەو ناوچەیە دەدات وەك ئەوەی لە ڕەزوانیە و نزیك هەولێر ڕوویدا.

 

لەلایەكیترەوە فەرماندە ئەمنییەكان پێشنیاری ئەوەیان كردووە سیاج و كامێرای چاودێری دابنرێت بۆ هێرشبەران لە زەوییە چۆڵەكانی دەوروبەری بەغدا كە موشەك و فڕۆكەی بێ فڕۆكەوانی لێوە ئاراستە دەكرێت.