گه‌ڕان

Shadow Shadow
سیاسه‌تی

عەبدوللەتیف سەلەفی: ئەم جۆرە بڕیارانەی پەڕلەمان تاكە نەعلێك ناهێنێت

2020.10.01 - 18:13
عەبدوللەتیف سەلەفی: ئەم جۆرە بڕیارانەی پەڕلەمان  تاكە نەعلێك ناهێنێت

ناس کورد-

د. عەبدوللەتیف سەلەفی فەتوایدا "ئەو بڕیارانەی پەرلەمان كە پێچەوانەی قورئان و سوننەتە تاكە پێڵاوێك و تاكە نەعلێك ناهێنن و داوا لە موسوڵمانان دەكەین پێوەی پابەند نەبن".

 

پێشنوێژ و وتارخوێنی مزگەوتی بەهەشت لە سلێمانی، د. عەبدوللەتیف سەلەفی لەمیانەی گفتوگۆیەكی دەنگیدا لەگەڵ كەسێك كە ئەمڕۆ (1 ئۆكتۆبەری 2020) بڵاویكردووەتەوە، بڕیارەكانی پەرلەمان دابەش دەكات بۆ دوو بەش، یەكەم ئەوانەی كارگێڕی و كاروباری رۆژانەن و لە قورئان و فەرموودەدا نەهاتوون، دووەمیش ئەوانەی پێچەوانەی دەقەكانن و دەڵێت: "بەلای ئێمەوە تاكە پێڵاوێك و تاكە نەعلێك ناهێنن و پێیانەوە پابەند نین و داوا لە موسوڵمانانیش دەكەین پێوەی پابەند نەبن."

 

د.عەبدوللەتیف جەخت لەوەش دەكاتەوە: "هەر بڕیارێك پێچەوانەی شەرع نەبێت ئێمە گوێڕایەڵی دەكەین"، هەروەها دەڵێت: "راستە عەلمانییەت كوفرە، بەڵام هەركەس چووە ناو حیزبێكی عەلمانی كافر نابێت ئەگەر بیروباوەڕی پێی نەبێت."

 

لەبەشێكیتری گفتوگۆكەدا وتارخوێنی مزگەوتی بەهەشت ئاماژە بەوەدەكات بەڵێ لەكوردستان گەندەڵی هەیە، ستەم هەیە، بەڵام بڵێیت لە وڵاتەكە هیچ چاكەیەك نییە ئەوە ستەمكردنە.