گه‌ڕان

Shadow Shadow
سیاسه‌تی

شانەى قەیرانەکان قەدەغەى هاتووچۆ لەسەرتاسەرى عێراق بەدورنازانێت

2020.10.01 - 11:26
شانەى قەیرانەکان قەدەغەى هاتووچۆ لەسەرتاسەرى عێراق بەدورنازانێت

ناس كورد-

بڕیاردەری شانەی قەیرانەكان لە پەرلەمانی عێراق، جەواد موسەوی رایگەیاند، رەنگە لەماوەی ئەم مانگەو مانگی داهاتودا، عێراق شەپۆلی دوەمی ڤایرۆسی كۆرۆنا بەخۆیەوە ببینێ.

 

جەواد موسەوی ئاماژەی بەوەداوە كە لەكاتی شەپۆلی دوەمی ڤایرۆسەكەدا، ئەگەری چەند هێندەبونی توشبوانی كۆرۆنا هەیەو رەنگە بگاتە نێوانی 10 بۆ 20 هەزار توشبو كە ئەوەش ژمارەیەكی زۆرە.

 

بڕیاردەری شانەی قەیرانەكان هێمای بۆ ئەوەش كرد كە شەپۆلی دوەمی ڤایرۆسەكە لەماوەی ئەم هەفتەیەدا چەند وڵاتێكی ئەوروپی ساردی وەك بەریتانیاو فەرەنساو ئەڵمانیای گرتەوەو كە بوە مایەی بەرزبوەیەكی زۆری ژمارەی توشبوان.

 

جەواد موسەوی ئەوەشی خستۆتەڕو كە شانەی قەیرانەكانی پەرلەمانی عێراق وەزیری تەندروستی و كارمەندانی باڵای وەزارەتەكەی بانگهێشت كردون بۆ زانین و تاوتوێكردنی ئامادەكارییە پێشوەختەكانی وەزارەتی تەندروستی بۆ روبەڕوبونەوەی شەپۆلی دوەم.

 

بڕیاردەری شانەی قەیرانەكان بەدوریشی نەزانیوە كە لە ئەگەری هەڵكشانی توشبوانی كۆرۆنادا، دەكرێت قەدەغەی تەواوەتی هاتوچۆ لە عێراق پەیڕەوبكرێتەوە.