گه‌ڕان

Shadow Shadow
سیاسه‌تی

موشەکێک لەناو خاکى ئێران کەوتە خوارەوە 

2020.10.01 - 09:13
موشەکێک لەناو خاکى ئێران کەوتە خوارەوە 

ناس کورد- 

بەهۆى شەڕو پێکدادانە سەربازییەکانى نێوان ئەرمینیا و ئازەربایجانەوە لەناوچەى قەرەباغ، موشەکێک لەگوندێکى وڵاتى ئێران کەوتە خوارەوە. 

 

بەگوێرەى ئاژانسى هەواڵى میهرى ئێرانى، موشەکێک لە ناوچەیەکى ئاوەدان لە گوندى محەمەد ساڵحۆى باکوورى خۆرئاواى ئێران کەوتووەتە خوارەوە، ئەوەش بەهۆى شەڕو پێکدادانە سەربازییەکانى نێوان سوپاى ئەرمینیا و ئازەربایجان.

 

ئاژانسەکە لەسەر زارى شایەتحاڵەکانى گوندەکەوە بڵاویکردووەتەوە، کەوتنە خوارەوەى موشەکەکە هیچ زیانێکى گیانى و مادى نەبووە و ئەوە یەکەمجاریش نییە بەهۆى لایەنە شەڕکەرەکانى ناوچەى قەرەباغەوە موشەک دەکەوێتە ناو خاکى ئێرانەوە.

چەند ڕۆژێکە سەربارى داواکارى هەرێمى و نێودەوڵەتى بۆ دانبەخۆدا گرتن، ناوچەى قەرەباغى سنورى نێوان ئەرمینیا و ئازەربایجان دووچارى شەڕ و پێکدادانى سەربازى نێوان ئەو دوو وڵاتە بووە و تا ئێستاش ناکۆکییە سەربازییەکانیان بەردەوامە.