گه‌ڕان

Shadow Shadow
سیاسه‌تی

ئەنجومەنی وەزیرانی هەرێم وازی لە ئۆنلاین هێنا و چوونەوە هۆڵی کۆبوونەوەکان

2020.09.30 - 10:42
ئەنجومەنی وەزیرانی هەرێم وازی لە ئۆنلاین هێنا و چوونەوە هۆڵی کۆبوونەوەکان

ناس کورد-

کۆبوونەوەى ئەنجومەنی وەزیرانی هەرێم لە هۆڵی کۆبوونەوەکان دەستیپێکرد دوای ئەوەى ماوەیەکی زۆر سەرۆکى حکومەت و وەزیرەکان بە ئۆنلاین و لەڕێگەی ڤیدیۆکۆنفرانسەوە کۆدەبوونەوە.

 

وەک لە وێنەی کۆبوونەوەکەى ئەمڕۆ چوارشەممە، 30ی ئەیلولی 2020، دەردەکەوێت، ڕێکارەکانی خۆپارێزی لە بەستنی دەمامک و بوونی دوری نێوانیان جێبەجێکراوە.

 

خالید شوانی، وەزیری هەرێم بۆ کاروباری بەغدا لە پەیجی فەرمی خۆی لەتۆڕی کۆمەڵایەتی فەیسبوک بڵاویکردەوە:  " بڕگەی یەکەمی کۆبوونەوەی ئەمڕۆی ئەنجومەنی وەزیران تایبەتە به کەرکوک و ناوچە جێناکۆکەکان."  

  

ئاماژەی بەوەشکردووە: "بۆ ئەو مەبەستە و لەسەر بڕیارێکی پێشووتری ئەنجومەنی وەزیران لیژنەیەکی تایبەت پڕۆژەیەکمان بۆ ئەو مەبەستە ئامادە کردووە."  

  

دوێنێ خالید شوانی ئەوەشی خستووەتەڕوو: "کەرکوک و ناوچە جێناکۆکەکانی تر و دانشتووانەکەی ڕوبەڕوی قۆناغێکی دژوار بوونەتەوە و سیاسەتی تەعریب لە ناوچانە جێبەجێ دەکرێت، ڕێگریگرتن لە تەعریب و پاراستنی مافی کوردستانیانی ئەم ناوچانە ئەرکێکی نەتەوەی و نیشتمانیە."  

  

پێشتر مەسرور بارزانی ڕایگەیاند، بەوپەڕی نیگەرانییەوە چاودێری بارودۆخی ناوچە کوردستانییەکانی دەرەوەی ئیدارەی هەرێمی کوردستان دەکەن بەتایبەت لە سنوری پارێزگای کەرکوک کە "بەداخەوە سیاسەتی بەعەرەبکردن و گۆڕینی دیمۆگرافی بەشێوەیەکی بەرنامە بۆداڕێژراو لەو ناوچانە بەردەوامە."  


زیاتر بخوێنەوە: ڕاگەیەنراوێک لە مەسرور بارزانییەوە.. ’’ئیتر قبوڵی ناکەین’’  

  

هەر دوای ئەوە، وەزارەتى دادى عێراق بڕیارى هەڵوەشاندنەوەى سەرجەم گرێبەستە کشتوکاڵییەکانى دەرکرد کە لە چوارچێوەى سیاسەتى گۆڕینى دیمۆگرافیاى ناوچە کیشەلەسەرەکانى نێوان هەرێم و بەغدا کراوە و هەروەها لەناو پارێزگاکانەوە کراوە کە دەکەونە سنورى ناو کێشەلەسەرەکانەوە.  

  

زیاتر بخوێنەوە: حکومەتى عێراق بڕیارێکی لە بەرژەوەندی کوردی کەرکوک و ناوچە کێشەلەسەرەکان دا  

 

 

me_ga.php?id=1083me_ga.php?id=1086me_ga.php?id=1082me_ga.php?id=1087me_ga.php?id=1085me_ga.php?id=1084me_ga.php?id=1081