گه‌ڕان

Shadow Shadow
سیاسه‌تی

’’عێراق دوورە لە مایەپوچ بوون’’.. شارەزایەکی ئابوری هۆکارەکەى ئاشکرا دەکات

2020.09.30 - 08:40
’’عێراق دوورە لە مایەپوچ بوون’’.. شارەزایەکی ئابوری هۆکارەکەى ئاشکرا دەکات

ناس كورد-

سەفوان قوسەى، شارەزاى ئابوريى و دارايى عێراقى دەڵێت، ئەوەى باس دەكرێت گوايە عێراق لە مايەپوچبون نزيكبووەتەوە ڕاست نييە.

 

سەفوان قوسەى لە ميانەى بەشداريكردن لە بەرنامەيەكى تەلەفزيۆنيدا باسى لەوەكردوە، عێراق خاوەنى يەدەگێكى گەورەيە لەسەر ئاستى بانكى ناوەندى، شكستێكى گەورە لە پرۆسەى ئيدارەدانى سياسەتى ئەو دارايیەدا هەيە.

 

وتيشى، حكومەتى ئێستا لەگەڵ گرتنەدەستى ئيدارەى دەوڵەت دەستيكردن بە دابينكردنى پارە بۆ خەرجييە بەردەوامەكان، هەروەها ڤايرۆسى كۆرۆنا و دابەزينى نرخى نەوت حكومەتيان ناچار كرد كە بڕيارى "ياساى قەزى ناوخۆيى" بدات كە گەيشتووەتە 15 ترليۆن دينار.

 

ئەو شارەزا ئابورييە ڕونيشيكردووەتەوە، وەزارەتى دارايى بەردەوام بوو لە خەرجيەكانى لەماوەى چەند مانگى ڕابردوودا بۆ گرێبەستەكانى بەدەر لە قەرەبووكردنەوەى فەرمانبەران، پێويست بوو ئەو وەزارەتە هەموو پارە نەختينەكانى كۆت و بەندبكردايە كە لە فرۆشى نەوتەوە دەهاتن و تايبەتى بكردنايە بە موچەى فەرمانبەرانەوە.

 

پێشى وايە، بەرەوامى خەرجيەكان لە دەرەوەى موچەى فەرمانبەران بووە هۆى ئەوەى حكومەت بە خێراييەكى زۆر قەرزە ناوخۆييەكە تەواو بكات، داواش دەكات سود لە بارودۆخى ئێستا وەربگيردرێت و ئابورى عێراق لە پشتبەستنى تەواو بە نەوتەوە بگۆڕدرێت بۆ ئابورييەكى هەمەجۆر.