گه‌ڕان

Shadow Shadow
سیاسه‌تی

ئیندیپێندێنت: ئەمەریكا لە سیناریۆیەك دەترسێت لە عێراق

2020.09.29 - 19:54
ئیندیپێندێنت: ئەمەریكا لە سیناریۆیەك دەترسێت لە عێراق

ناس کورد-

ڕۆژنامەى "ئينديپێندێنتى عەرەبى" بڵاويكردووەتەوە، ولايەتە يەكگرتووەكانى ئەمريكا لەوە دەترسێت كە پيلان هەبێت بۆ بە ئامانجگرتنى كەسايەتيیەكى دبلۆماسیى ئەمريكى لە عێراق، ئەوەش پێش ئەنجامدانى هەڵبژاردنى سەرۆكايەتیى ئەمريكا.

 

"ئينديپێندێنتى عەرەبى" لەزارى سەرچاوەيەكى سياسى باڵاوە بڵاويكردووەتەوە، واشنتۆن لەوە دەترسێت پێش هەڵبژاردنى سەرۆكايەتیى ئەمريكا، پلان هەبێت بۆ بەئامانجگرتنى دبلۆماسيیەكى وڵاتەكەى لە عێراق، بەپێى سيناريۆكە "ميليشياكانى سێبەر" كە لەماوەى دواييدا ناوى تازەيان لەخۆيان ناوە "عەسائيبى سائرين" و "هاوڕێيانى ئەشكەوت"، ئەو كارە ئەنجام بدەن، ئەو ميليشيايانە ڕوكارى ميليشيا ديارەكانن كە بەناوى نوێوە هەوڵى ئەوە دەدەن خۆيان بپارێزن.



ڕۆژنامەكە ئەوەشى ڕونكردووەتەوە، هەروەها واشنتۆن لە سيناريۆيەكى لەو شێوەيە دەترسێت بەسەر باڵيۆزخانەكەى لە عێراق بێت كە بەسەر باڵيۆزخانەكەى هات لە تاران، ئەويش لەساڵانى حەفتاكانى سەدەى رابردوودا، ئەوەش لێدانێكى كوشندە دەبێت لە دۆناڵد ترامپ، سەرۆكى ئەمريكا بەتايبەتى كە لە ئێستادا هەڵبژاردنى سەرۆكايەتى نزيك بووەتەوە.

 

هێما بۆ ئەوەشكراوە، ئەوەش بەتايبەتى كە ئێرانيەكان و "عەلى خامنەيى" ڕێبەرى باڵاى شۆڕشى ئيسلامى ئەو وڵاتەش هەستى خۆيان بۆ شكستى ترامپ لە هەڵبژاردنەكاندا نەشاردووەتەوە، ئامانجى ئەوان ئەوەيە ديموكراتەكان بگەنە دەسەڵات، چونكە ئەوەش ئەگەرى هەيە ڕێکكەوتنى ئەتۆمى زيندوو بكاتەوە و كۆت و بەندەكان لەسەر تاران لاببات لەناوچەكە، هەروەك پێشتر باراك ئۆباما، سەرۆكى پێشووترى ئەمريكا كردى.

 

سەرچاوەكە ئەوەشى ئاشكراكردووە، ئەو ترسەش لەبەرامبەر ترسێكى ترى گروپە ميليشياكانى سەربە ئێرانە، كە پێيان وايە ئەو هاتوهاوار و هۆشداريانە هيچ نييە جگە لە هەڵمەتێكى ڕێكخراو بۆ ئامادەكردنى كەشێك بۆ بەئامانجگرتنى كەسايەتييە ديارەكانى گروپە ميليشياكان.