گه‌ڕان

Shadow Shadow
سیاسه‌تی

مەسرور بارزانی بەداخە: ئەمیری کوەیت پەیوەندی بەهێزی لەگەڵ هەرێم هەبوو

2020.09.29 - 18:41
مەسرور بارزانی بەداخە: ئەمیری کوەیت پەیوەندی بەهێزی لەگەڵ هەرێم هەبوو

ناس کورد-

مەسرور بارزانی، سەرۆکی حکومەتی هەرێمی کوردستان پەیامێکی سەرەخۆشی ئاڕاستەی حکومەت و گەلی کوەیت کرد بەبۆنەى کۆچی دوایی سەباح ئەلئەحمەد جابر ئەلسەباح، ئەمیری ئەو وڵاتە.

 

ئەمڕۆ سەباح ئەلئەحمەد جابر ئەلسەباح، ئەمیری کوەیت لە تەمەنی 91 ساڵیدا لە ئەمریکا کۆچی دوایی کرد، مەسرور بارزانی لە پەیامەکەیدا دەڵێت، "بە داخێکی زۆرەوە هەواڵی کۆچیی دوایی میری کوێت شێخ سەباح ئەلئەحمەد جابر ئەلسەباح- م بیست. پرسەو سەرەخۆشیی لە بنەماڵەی بەڕێزی ئەمیریی و خەڵکی کوێت دەکەم".

 

دەشڵێت، "دەوڵەتی کوێت و بەتایبەتی جەنابی شێخ سەباح پەیوەندیییەکی دۆستانەی بەهێزی لە گەڵ هەرێمی کوردستان هەبوو."

 

زیاتر بخوێنەوە: مردنی ئەمیری دەوڵەتی کوەیت ڕاگەیەنرا

 

ئاماژەى بەوەشکردووە، "هەموو تەمەنی خۆشی لە پێناو خزمەتکردنی وڵاتەکەی و سەقامگیرکردنی ئاشتی لە ناوچەکەدا تەرخان کردبوو . خوای مەزن گیانی بە بەهەشت شاد بکات و ئارامیی و دڵنەواییش بە خەڵکی کوێت ببەخشێت."