گه‌ڕان

Shadow Shadow
سیاسه‌تی

شەڕی پەرلەمانی کوردستان لەدژی تیکتۆک و سناپ و ئینستا لەسەر چی بوو؟

2020.09.29 - 18:18
شەڕی پەرلەمانی کوردستان لەدژی تیکتۆک و سناپ و ئینستا لەسەر چی بوو؟

ناس کورد-

بەڕێوەبەرایەتیی کارگێڕی پەرلەمانی کوردستان بەکارهێنانی بەشێک لە تۆڕە کۆمەڵایەتییەکانی لە کارمەندانی پەرلەمانی کوردستان قەدەغەکرد و بەڕێوەبەری ڕاگەیاندنی پەرلەمانیش دەڵێت، هۆکارەکەی بۆ ئەوە دەگەڕێتەوە کارمەندان کاروبارەکانیان ڕایی بکەن و سەرقاڵی ئەو تۆڕە کۆمەڵایەتییانە نەبن.

 

ئەمرۆ سێشەممە، 29ی ئەیلولی 2020، بەڕێوەبەرایەتیی کارگێڕی پەرلەمانی کوردستان بڕیاری دا بە قەدەغەکردنی "بەکارهێنانی سناپچات، تیکتۆک و ئینستاگرام لە کارمەندانی پەرلەمان."

 

لەوبارەیەوە سامان ئەحمەد، بەڕێوەبەری ڕاگەیاندنی پەرلەمانی کوردستان بە ناس کوردی ڕاگەیاند: "بڕیارەکە بڕیارێکی ئاساییە و هەروەک چۆن لە فەرمانگەیەکدا قەدەغەیە کارمەندان لە کۆمپیوتەری فەرمانگەکەدا تۆڕە کۆمەڵایەتییەکان بەکاربهێنن، ئەو بڕیارەش بەهەمانشێوەیە."

 

وتیشی: "هۆکاری بڕیارەکە بۆ ئەوە دەگەڕێتەوە کە کارمەندان لەکاتی دەوامدا کارەکانیان بەباشی ڕایی بکەن و سەرقاڵی بەکارهێنانی ئەو تۆڕە کۆمەڵایەتییانە نەبن."

 

بەڕێوەبەری ڕاگەیاندنی پەرلەمانی کوردستان ڕوونیشیکردەوە، بڕیارەکە تەنها بۆ کاتی دەوامە و کارمەندان ئازادن لەوەی دوای دەوام هەرچییەک دەکەن و ئەوە ژیانی تایبەتییە.

  

باسی لەوەشکرد، بڕیارەکە پەرلەمانتاران ناگرێتەوە، چونکە ئەوان فەرمانبەر نین و فەرمانبەر نین و تەنها بۆ فەرمانبەرانە.