گه‌ڕان

Shadow Shadow
سیاسه‌تی

 ’سەرجەمى ئەندامانى خێزانەکەى سەر بە داعشن’

چەکدارێکی داعش لەکەرکوک دەستگیرکرا

2020.09.29 - 14:36
چەکدارێکی داعش لەکەرکوک دەستگیرکرا

ناس کورد-

دەزگاى هەواڵگریی عێراق ڕایگەیاند، توانراوە تیرۆرستێکی داعش دەستگیر بکەن کە لە دەیان کاری تیرۆرستی لۆجستی ڕێکخراوەکە لە کەرکوک تێوەگلاوە، ئاماژە بەوەشکراوە، ئەو تیرۆرستەی کە دەستگیرکراوە ئەندامانی خێزانەکەی هەموویان سەر بەڕێکخراوی داعشن.

 

ئەمڕۆ (سێشەممە، 29ی ئەیلولی 2020) ئاژانسی هەواڵگریی عێراق، ڕاگەیەندراوێکی بڵاوکردووە کە تێیدا ئاماژەی بەوەکرد،  لەرێگەی بەدواداچوونی وردی هێزەکانیانەوە توانیویانە یەکێک لە تیرۆرستانی داعش کە تۆمەتبارە بە ماددەی (4)ى تیرۆر لە پارێزگای کەرکوک دەستگیر بکەن".

 

 ئاماژە بەوەشکراوە "تیرۆرستەکە بەشداری لە (25) کاری تیرۆرستی لۆجستی ڕێکخراوەکە کردووە و دەستی هەبووە لە گواستنەوەی بابەتە خۆراکییەکان و کارتی مۆبایل بۆ تیرۆرستانی داعش لە ناوچەی( وادی کەرحە) کە دەکەوێتە زنجیرە چیاکانی حەمرین".

 

بەگوێرەی ڕاگەیەندراوەکە ئەو تیرۆرستەی کە دەستگیرکراوە لە بنەڕەتدا سەربە خانەوادەیەکی داعشییەوە دوو براشی چەکداری داعش بوون و دواتر هەردووکیان لە ئۆپڕاسیۆنەکانی هێزە ئەمنییەکانی عێراقدا کوژراون.