گه‌ڕان

Shadow Shadow
سیاسه‌تی

چوار رۆژە بەردەوامە

دوکەڵى بۆردومان و شەڕ لەسنورى زاخۆ بەرزدەبێتەوە

2020.09.29 - 11:40
App store icon Play store icon Play store icon
دوکەڵى بۆردومان و شەڕ لەسنورى زاخۆ بەرزدەبێتەوە

ناس کورد-

بەڕێوەبەرى ناحیەى باتیفاى سەر بە قەزاى زاخۆ ڕایگەیاند،  چوار رۆژە شەڕ و بۆردومانى ئاسمانى لەناوچەکە بەردەوامە و تورکیا بەبەردەوامى ناوچەکە بۆردومان دەکات.

 

کەناڵی ناس کورد لە تێلیگرام جۆین بکە   

دڵشێر عەبدولستار، بەڕێوەبەرى ناحیەى باتیفا بە ناس کوردى ڕاگەیاند "ئەمڕۆ چوارجار بۆردومانى چیاى شابانى کراوە کە بەرانبەر ناحیەى باتیفایە".

 

باسى لەوەشکرد، بەهۆى بۆردومان و شەڕ و ئاڵۆزییەکانەوە، زیانى ماددى بەر رەزو باخ و زەوى کشتوکاڵى جوتیاران کەوتووە، نزیکەى سێ گوندیش چۆڵکراون.

 

تورکیا ئەمساڵ بۆردومانەکانى بۆ سەر ناوچە سنورییەکانى هەرێمى کوردستان چڕکردووەتەوە بە پاساوى هێرشکردنە سەر پەکەکە، لەچەند مانگى ڕابردوشدا ئۆپراسیۆنێکى سەربازى فراوانى دەستپێکرد.

 

سوپاى تورکیا رۆژى (دووشەممە) ئۆپراسیۆنێکى دابەزینى ئاسمانى لەناوچە سنورییەکانى هەرێمى کوردستان ئەنجامدا، هاوکات لەگەڵ بۆردومانى چەندین ناوچە لە سنورى پارێزگاى دهۆک، ئەوەش بەپێی راپۆرتێکى پێگەى (میدل ئیست ئۆنلاین).  

  

پێگەکە لەزارى سەرچاوەیەکى ئەمنییەوە گواستویەتیەوە، ئۆپراسیۆنەکە لەناوچەکانى باتیفا و نزورى و سویلى و کشانى و بیر بلاوبانکیا و شیلانە و ریسى سەر بە پارێزگاى دهۆک ئەنجامدراوە بۆ بە ئامانجگرتنى گەریلاکانى پەکەکە.  

  

ئاماژەى بەوەشکردووە، تۆپهاوێژەکانى تورکیا هەروەها بۆردومانى پێگەکانى پەکەکەیان کردووە لەو ناوچانە، هەروەها پێکدادان لەنێوان سوپاى تورکیا و گەریلاکانى پەکەکەدا روویداوە لەکاتى دابەزینى ئاسمانیدا.