گه‌ڕان

Shadow Shadow
سیاسه‌تی

دەیان نوسەر ’’بە توڕەییەکی زۆرەوە’’ داوا لە حکومەت دەکەن بڕیارێکی ’’شەرمهێن’’ ڕابگرێت

2020.09.28 - 18:03
دەیان نوسەر ’’بە توڕەییەکی زۆرەوە’’ داوا لە حکومەت دەکەن بڕیارێکی ’’شەرمهێن’’ ڕابگرێت

ناس کورد-

 لە ژێر ناونیشانی "نا بۆ گەڕانەوەی سانسۆر و بە یاساییکردنی بێدەنگی"، 62 نوسەر و ڕۆشنبیر ڕاگەیەنراوێکی تۆڕەئامێزیان لە دژی بڕیارەکەی وەزارەتی ڕۆشنبیری هەرێمی کوردستان بڵاوکردەوە.

 

ئەمڕۆ یەکشەممە، 28ی ئەیلولی 2020، لە ڕاگەیەنراوەکەى ئەو 62 نوسەر و ڕوشنبیرەدا هاتووە، "ئێمە بە توڕەییەکی زۆرەوە داوا لە وەزیری ڕۆشنبیری دەکەین ئەم بڕیارە شەرمهێنە بوەستێنن".


ئەو کەسانە باسیان لەوەکردوە کە "وەزارەتی ڕۆشنبیریی حکومەتی هەرێم بڕیارێکی سەبارەت بە سانسۆرکردنی کتێب دەرکردوە کە ڕۆژە هەرەڕەشەکانی سەردەمی بەعس و ئەزموونە تۆقێنەرەکەی تاڵیبان و سیستمە دیکتاتۆریەتەکانی ئەوروپای خۆرهەڵاتمان بیردەخاتەوە".

 

زیاتر بخوێنەوە: بڕیارێکی وەزارەتی ڕۆشنبیری لەنێوان ’’ڕیکخستنەوە و گەڕانەوە بۆ سەردەمی بەعس’’  


ئەوەشخراوەتەڕوو، "ئەو فۆڕمەی لە سانسۆر کە بەڕێوەیە لە هەرێمەکەی ئێمەدا و وەزارەتی ڕۆشنبریی خەریکی دروستکردنیەتی، پلانی هێرشبردنێکی سیستماتیکە بۆ سەر کتێب بەر لە دایکبوونیان".


جەختلەوەشکراوەتەوە، "نەک هەرکتێب بەڵکو ھەموو نووسین و داھێنانکی ترکە لەگەڵ توانای عەقڵیی و زەوق و سەلیقەی ئەو رەقیبانەدا نەگونجێت کە لەمەولا کاریان ئەبێتە ئەوەی بڕیاربدەن کام کتێبێک چاپبکرێت و کام کتێب بکوژرێت".


ئەو ژمارە نوسەر ورۆشنبیرە دەشڵێن، "هەر میللەتێک بەناو جەهەنەم و زمان و سیستمە سانسۆریەکەی بەعسدا تێپەڕیبێت شورەییەکی گەورەیە قسە لە سانسۆرکردنی کتێب بکات".


ڕاشیانگەیاندووە، "لەڕووی مێژووییەوە کتێبی ڕاستەقینە هەمیشە ئەو کتێبانە بوون کە توڕەن، کە ڕەخنەگرن، کە بڕێکی زۆر لە یاخیبوونیان تێدایە، گفتوگۆ دەخەنەوە، ڕیزبەندی قەناعەتەکان و بۆچوونەکان دەسکاریدەکەن، پرسیاردەکەن، پڕن لە تەحەدا، گریمانە قبوڵکراوەکان دەخەنە ژێر پرسیارەوە، کۆدە ئەخلاقییەکان و تێگەیشتنە باڵادەستەکان ڕەخنەدەکەن و لەڕێگای ئەمانەشەوە شتێکی تازە لەسەر جیھان دەڵێن. درزێک بۆ ڕوانینی تازە و بەرخوردی تازە و تێگەیشتنی تازەدەکەنەوە".


ئەو ژمارە نوسەر ورۆشنبیرە ئاماژەیان بەوەشکردوە، "ئەم بڕیارەی تازەیەی وەزارەتی ڕۆشنبیریی دەمانباتەوە بۆسەردەمی ئەدەبیاتی یاساغ و هەڵاتوو لەدەستی سانسۆر، ئەدەبیاتێک بە دزیی چاوی وەزەراتەکان و رەقیبەکانییەوە دەستاودەست بکات و مێژوویەکی تر بۆ هەموو ئەوانە بنووسێتەوە کە بەشێکن لەم تاوانە".


باسیانلەوەشکردووە، "سانسۆرسوکایەتییەکی گەورەیە بە تواناکانی مرۆڤ لە بیرکردنەوە و نووسین و داھێناندا، سڕکردنی خەیاڵ و عەقڵ و بەندکردنیەتی لەناو زەوق و تێگەیشتنی کۆمەڵێک ڕەقیبی بچووکدا،هەرکەسێکیش بەشداربێت لە ئەنجامدانی ئەم تاوانەدا لەڕیزی پێشەوەی تاوانبارە سەرەکییەکانە".


لە کۆتایی ڕاگەیەندراوەکەدا ئەوژمارە نوسەر ورۆشنبیرە دەڵێن، "ئێمە بە توڕەییەکی زۆرەوە داوا لە وەزیری ڕۆشنبیریی و وەزارەتەکەی دەکەین ئەم بڕیارە شەرمهێنە بوەستێنن و کوردستان مەکەن بە گۆڕستانی کتێب، لێرەشەوە رایدەگەیەنین ئێمە پابەندی ئەو بڕیارە نابین" .

ناوی نوسەر ورۆشنبیرەکان
رەووف بێگەرد
قوبادی جەلیزادە شاعیرو دادوەر
شێرزاد حەسەن
مەریوان وریا قانع
پشکۆ نەجمەددین
ئاراس فەتاح
چۆمان هەردی
ساراعومەر نووسەرو چالاکی بواری مافی مرۆڤ
هیوا قادر
پەیمان عیزەدین
دڵشاد عەبدوڵڵا
عەتا قەرەداخی
کەریم دەشتی
ساڤان عەبدولڕەحمان وەرگێڕ
موتەلیب عەبدوڵڵا
ئەحمەدی مەلا
هەورامان وریا قانع
کەژاڵ ئەحمەد شاعیر
هۆشەنگ وەزیری
سارا قادر
نارین رۆستەم شاعیر
رێبین هەردی
حەمەفەریق حەسەن
هیوا فایەق
شوان محەممەد
سەردار محەممەد
دلاوەر قەرەداخی
خالید سلێمان
ئارام عەلی
زاهیر عەبە رەش
دانا رەووف
شارا رەشید
ئارام سەعید
کاوە محەممەد
لازۆ ئازاد
سیروان غەریب
شەهێن سابیر
نیاز عەبدوڵڵا
رازاو مەحموود فەرەج
گەشە دارا حەفید
ئاوات محەممەد
فەرەیدوون سامان
سەرگوڵ قەرەداخی
شیروان مەحموود وەرگێڕ- سوید
ستارە عارف
ئیبراهیم مەلازادە
باهوز مستەفا
هیمن مامەند
کارزان گلی
کاکشار ئۆرەمار
محەمەد گۆران
هەڵالە سوهرابی
خالید شەیدا
سادق ئەحمەد رۆستایی
رەحیم سەرەڕۆ
سالار کۆشار
جەمال پیرە
د.خلیل جندی
دڵسۆز حەمە
ئەنوەر رەشید عەوڵا
کەمال چۆمانی
ئاسۆس هەردی