گه‌ڕان

Shadow Shadow
سیاسه‌تی

ڕێژەی گیانلەدەستدان بەکۆرۆنا لەهەرێم زیاترە یان لەعێراق و ئەمریکا؟ 

ئامارى نوێى گیانلەدەستدان بەهۆى کۆرۆناوە لە جیهان ئاشکراکرا 

2020.09.28 - 09:25
App store icon Play store icon Play store icon
ئامارى نوێى گیانلەدەستدان بەهۆى کۆرۆناوە لە جیهان ئاشکراکرا 

ناس کورد-

دواجار ژمارەی گیانلەدەستدان بە ڤایرۆسی کۆرۆنا ملیۆنێکی تێپەڕاند و زۆرترین ڕێژەی گیانلەدەستدانیش لەوڵاتی مەکسیکە، بەشێوەیەک زیاتر لە %10ی توشبووانی ڤایرۆسەکە گیانیانلەدەستداوە، هەرچی تایبەتە بە هەرێمیش ڕێژەی گیانلەدەستدان لەعێراق و ئەمریکاش کە زۆرترین توشبووی هەیە زیاترە.

 

کەناڵی ناس کورد لە تێلیگرام جۆین بکە   

کۆرۆنا کە لەمانگی 12ی 2019 لەشاری ووهانی وڵاتی چین دەرکەوت، پێش تێپەڕبوونی ساڵێک بەسەر بڵاوبوونەوەیدا ژمارەی گیانلەدەستدان بە ڤایرۆسەکە ملیۆنێکی تێپەڕاند و تاوەکو بەیانی ئەمڕۆ دووشەممە، ملیۆنێک و دوو هەزار و 401 توشبووی ڤایرۆسەکە لەکۆی 33 ملیۆن و 307 هەزار و 363 توشبوو.

 

ڕێژەی گیانلەدەستدانی توشبووانی ڤایرۆسەکە لەجیهاندا %3-یە، واتە لە هەموو 100 توشبوویەک سێ توشبوویان گیانیانلەدەستدەدەن، بەڵام لە هەندێک وڵات ڕێژەکە کەمتر یاخود زیاترە.

 

وڵاتی مەکسیک زۆرترین ڕێژەی گیانلەدەستدانی بە ڤایرۆسەکە تێدایە، بەشێوەیەک لەکۆی 730 هەزار و 317 توشبوو 76 هەزار و 430 توشبوویان گیانیانلەدەستداوە کە دەکاتە ڕێژەی زیاتر لە %10.

 

هەرچی تایبەتە بە هەرێمی کوردستانیش، ڕێژەی گیانلەدەستدان بە ڤایرۆسەکە لەڕێژە جیهانییەکە زیاترە و لەهەرێم %3.6ی توشبووان گیانلەدەستدەدەن، هەرچەندە ژمارەی توشبووان لەعێراق زۆر لە هەرێم زیاتر، بەڵام ڕێژەکە لەعێراق کەمترە و لە %2.8ی توشبووان گیانلەدەستدەدەن.

 

وڵاتی ئەمریکاش کە زەرەرمەندترین وڵاتی ڤایرۆسی کۆرۆنایە کە زیاتر لە حەوت ملیۆن توشبوو و زیاتر لە 209 هەزار گیانلەدەستدانیشی هەیە، ڕێژەی گیانلەدەستدان تێیدا لە هەرێمی کوردستان کەمترە و هاوشێوەی عێراق ڕێژەی گیانلەدەستدان لە ئەمریکاش %2.8.