گه‌ڕان

Shadow Shadow
سیاسه‌تی

دەتوانن چی بکەن؟

سنەوبەرە سوتاوەکانی تاسڵوجە ’’دەبرێتە ئەنجومەنی پارێزگای سلێمانی’’

2020.09.27 - 15:25
سنەوبەرە سوتاوەکانی تاسڵوجە ’’دەبرێتە ئەنجومەنی پارێزگای سلێمانی’’

ناس کورد-

ئەندامێکی ئەنجومەنی پارێزگای سلێمانی ڕایگەیاند، بڕیارە لەم هەفتەیە یاخود هەفتەی داهاتوو ئەنجومەنی پارێزگای سلێمانی کۆببێتەوە و گفتوگۆ لەبارەی پرسی بڕینەوە و سوتاندنی دارەکانی ڕێگای تاسڵوجە و ناوچەکانی دیکەی سنوری سلێمانی بکات.

 

لە ماوەی ڕابردوودا چەند ئەندامێکی ئەنجومەنی پارێزگای سلێمانی یاداشتیکیان ئاڕاستەی سەرۆکایەتی ئەنجومەن کرد بۆ کۆبوونەوە لەسەر پرسی سوتاندنی دارەکانی ڕێگای تاسڵوجە و چەند شوێنێکی دیکە لەسنوری سلێمانی، بەڵام تاوەکو ئێستا کۆبوونەوەکە نەکراوە.

 

کاسترۆ مەعروف، ئەندامی ئەنجومەنی پارێزگای سلێمانی بە ناس کوردی ڕاگەیاند: "لەم هەفتەیە یاخود هەفتەی داهاتوو ئەنجومەن کۆدەبێتەوە و یەکێک لە تەوەرەکانی گفتوگۆی کۆبوونەوەکە ئەو پرسە دەبێت."

 

زیاتر بخوێنەوە: غالب محەمەد: ئەم چوار کەسە بەرپرسن لە سوتاندنی سنەوبەرەکانی ڕێگای تاسڵوجە

 

زیاتر بخوێنەوە: ئەندامێکی ئەنجومەنی پارێزگا: کەس خۆی نەکرد بە خاوەنی سنەوبەرەکانی ڕێگای تاسڵوجە

 

وتیشی: "ئەوەی ئەنجومەنی پارێزگای سلێمانی دەتوانێت بیکات، داواکاردنە لە داواکاری گشتی بۆ لێکۆڵینەوە و وەستاندنی ئەو کارە و هەروەها داواکاردن بۆ دووبارە سەوزکردنەوەی ئەو ناوچانە."

 

وتیشی: "پێدەچێت لایەنی کەمتەرخەم دیاربکرێت، واتە ئەو لایەنە حکومییانەی پەیوەندیدارن بەو پرسە، هەروەها داواکردنی ئەوەی ناوچەکە سەوز بکرێتەوە."

 

پێشتر و لە سەرەتای ئەمساڵدا، ئەنجومەنی پارێزگای سلێمانی بەنوسراوێک داواکاری گشتیی سلێمانی لەو پرسە ئاگادارکردووەتەوە و داوایکردووە بەدواداچوونی بۆ بکەن و ڕێگری لەو کارە بکەن، بەڵام تاوەکو ئێستا وەڵامی داواکەیان نەدراوەتەوە.

 

زیاتر بخوێنەوە: ڕاگەیەنراوێک لە وەزارەتی کشتوکاڵ لەبارەى سوتاندنی سنەوبەرەکانی ڕاپەڕین لە سلێمانی

زیاتر بخوێنەوە: عەلی حەمە ساڵح ڤیدیۆی سوتاندنی سنوبەرەکانی ڕێگای ڕاپەڕین لە سلێمانی بڵاودەکاتەوە

 

دەربارەی ئەوەی ئەمجارەش بەهەمانشێوەی جاری پێشوو هەوڵەکان بێ ئەنجام نابن، کاسترۆ مەعروف ئاماژەی بەوەکرد، هەموو شتێک لەم هەرێمە دەکرێت ببێت و گرەنتی هیچ شتێک نییە، ئەوەی لەسەر ئەوانە دەیکەن و ئەوەی دەمێنێتەوە بۆ لایەنی جیبەجێکار و داواکاری گشتی دەگەڕێتەوە.