گه‌ڕان

Shadow Shadow
سیاسه‌تی

هۆکارەکەى نادیارە

تەرمى هاوڵاتییەکى بیانی لەناو فڕۆکەخانەى کەرکوک دۆزرایەوە

2020.09.27 - 09:51
تەرمى هاوڵاتییەکى بیانی لەناو فڕۆکەخانەى کەرکوک دۆزرایەوە

ناس کورد-

سەرچاوەیەکى ئەمنی لە پارێزگاى کەرکوک ئاشکراى کرد، فەرمانبەرێکى بیانی لەناو بارەگاى نوێنەرایەتى نەتەوە یەکگرتووەکان لە فڕۆکەخانەى پارێزگاکە کوژراوە.

 

سەرچاوەیەکە بە ناس کوردى ڕاگەیاند، ئەو کەسە پزیشکە و ناوی ڕۆناڵد سانتۆس، بە کوژراوى لەناو بارەگاى نوێنەرایەتى نەتەوە یەکگرتووەکان لەناو فڕۆکەخانەکە دۆزراوەتەوە.

 

ئاماژەى بۆ ئەوەش کرد، هاوڵاتیە کوژراوە بە ڕەگەز فلیپینییە و وەکو فەرمانبەر لە نوێنەرایەتى نەتەوە یەکگرتووەکان لە فڕۆکەخانەى پارێزگاکە کارى کردووە و بەتەنیشتیەوە چەکى سپى هەبووە.

 

سەرچاوەکەى ناس کورد باسى لەوەش کرد، تا ئێستا ئەوە ڕووننەبووەتەوە ڕوداوەکە کوشتنى بەئەنقەستە یاخود خۆکوشتنە.