گه‌ڕان

Shadow Shadow
سیاسه‌تی

بزانە نەوتی بە چەند فرۆشتووە

داهاتی نەوتیی عێراق بۆ مانگی ئاب زیادی کردووە

2020.09.26 - 10:28
داهاتی نەوتیی عێراق بۆ مانگی ئاب زیادی کردووە

ناس کورد-

وەزارەتی نەوتی عێراق ئاماری کۆتایی و وردبینیکراوی هەناردەى نەوتی بۆ مانگی ئابی ڕابردوو ڕاگەیاند کە دەریدەخات یەک بەرمیل نەوت بە 43.3 دۆلار فرۆشراوە و داهاتی گشتیی گەیشتووەتە سێ ملیار و 492 ملیۆن دۆلار.

 

بەپێی ئامارەکە کە کۆمپانیای بەبازاڕکردنی نەوتی عێراق (سۆمۆ) بڵاویکردووەتەوە، عێراق لە مانگی ئابدا 80 ملیۆن و 494 هەزار و 536 بەرمیل نەوتی هەناردەکردووە، داهاتەکەش گەیشتووەتە سێ ملیار و 492 ملیۆن و 164 هەزار دۆلار.

 

عاسم جیهاد، وتەبێژی وەزارەتەکە ڕایگەیاند، "کۆی گشتیی نەوتی هەناردەکراو لە مانگی ئابدا لە کێڵگە نەوتییەکانی ناوەڕاست و باشوری عێراق گەیشتووەتە 77 ملیۆن و 505 هەزار و 136 بەرمیل، داهاتەکەشى سێ ملیار و 359 ملیۆن و 181 هەزار دۆلار بووە."

 

بەپێی ئاماری وەزارەتەکە بۆ مانگی تەموز، 85 ملیۆن و 663 هەزار و 290 بەرمیل هەناردەکراون بە تێکڕای نرخی 40.7 دۆلار، داهاتی گشتیی مانگەکەش بریتی بووە لە سێ ملیار و 487 ملیۆن و 139 هەزار دۆلار، واتە مانگی ئاب داهات زیادی کردووە.

 

دەشڵێت، "بڕی نەوتی هەناردەکراوی کەرکوک لەڕێگەی بەندەری جەیهانەوە دوو ملیۆن و 989 هەزار و 400 بەرمیل بووە، داهاتەکەشی گەیشتووەتە 132 ملیۆن و 983 هەزار دۆلار.

 

هاوکات تێکڕای نرخی بەرمیلێک نەوت بریتییە لە 43.384 دۆلار، نەوتەکەش لەلایەن 29 کۆمپانیای جیهانییەوە هەناردەکراون لە بەندەرەکانی بەسرە، خۆر و مینای جەیهانەوە.