گه‌ڕان

Shadow Shadow
سیاسه‌تی

ڤلادیمێر پوتین بۆ وەرگرتنی خەڵاتی نوبڵی ئاشتی کاندیدکرا

2020.09.25 - 15:40
ڤلادیمێر پوتین بۆ وەرگرتنی خەڵاتی نوبڵی ئاشتی کاندیدکرا

ناس  کورد-

ئاژانسی فەرمیی "تاس"ی ڕوسی بڵاویکردەوە، سه‌رۆكی ڕوسیا بۆ وه‌رگرتنی خه‌ڵاتی نۆبڵی ئاشتی 2021 كاندید کراوە.

 

بەگوێرەی هەواڵێکی ئاژانسی فەرمیی " تاس"ی ڕوسی، سێرگی كۆمكۆڤ، نووسەری دیاری وڵاتی ڕۆسیا، لە 10ی ئەم مانگەدا، ڤلادیمێر پوتین، سه‌رۆكی روسیای كاندید كردووه‌ بۆ وه‌رگرتنی خه‌ڵاتی ئاشتیی نۆبڵ بۆ ساڵی 2021.

 

دیمیتری پێسكۆڤ، وته‌بێژی کۆشکی سەرۆکایەتیی روسیا رایگەیاند: "کاندیدکردنی پوتین، بۆ خەڵاتەکە لەلایەن حکومەتەوە نەبووە، بەڵکو کاندیدکردنەکە لەلایەن ژمارەیەک نوسەرەوەو کراوە کە کۆمکۆڤ ڕابەرایەتیان دەکات".

 

پێشتریش لە ساڵی 2013دا ڤلادیمێر پوتین، سه‌رۆكی روسیا كاندیدکرا بۆ وەرگرتنی خەڵاتی نۆبڵ بۆ ئاشتی، بەهۆی ڕۆڵی ناوبراو لەدامرکاندنەوەی بەشێک لە گرژییەکانی سوریا.

 

کاندیکردنی پۆتین بۆ وەرگرتنی ئەو خەڵاتە لە کاتێکدایە کە دەیان جار ڕوسیا لەلایەن وڵاتانی جیهانەوە بەتایبەتی یەکێتیی ئەوروپا و ئەمریکا تۆمەتبارکراوە بەنانەوەی پشێوی و ئاڵۆزی لەجیهاندا، بەتایبەتی دوای ئەوەی ئەو وڵاتە لە ساڵی 2014 نیمچە دوورگەی قرمی داگیرکرد و بە تێوەگلان لە بەکارهێنانی گازی کیمیاوی بۆ کوشتنی یەکێک  لە ئۆپۆزسیۆنەکانی ئەو وڵاتە لە بەریتانیا تۆمەتبارکرا.