گه‌ڕان

Shadow Shadow
سیاسه‌تی

هاوسەرۆکی یەکێتی لەساڵیادی ڕیفراندۆم: کورد کرایە قوربانی هەڵەی چەند سیاسییەکی کاڵفام

2020.09.25 - 12:50
هاوسەرۆکی یەکێتی لەساڵیادی ڕیفراندۆم: کورد کرایە قوربانی هەڵەی چەند سیاسییەکی کاڵفام

ناس کورد-

لە سێیەمین ساڵیاری ڕیفراندۆمدا، لاهور شێخ جەنگی، هاوسەرۆکی یەکێتیی نیشتیمانیی کوردستان ڕایگەیاند، لەو ڕۆژەدا چارەنوس و دەستکەوتەکانی گەلی کورد کرانە قوربانی لێکدانەوەی هەڵە و غروری چەند سیاسییەکی "تێنەگەیشتوو و کاڵفام".

 

ئەمڕۆ هەینی 25ی ئەیلولی 2020، کە سێیەمین ساڵیادی ڕیفراندۆمە، لاهور شێخ جەنگی، هاوسەرۆکی یەکێتی نیشتیمانیی کوردستان لە هەژماری خۆی لە تۆڕی کۆمەڵایەتی فەیسبوک ڕایگەیاند: "25ی ئەیلولی 2017، ئەو ڕۆژەبوو کە چارەنوسی گەلی کوردستان و دەستکەوتەکانی، کران بە قوربانی لێکدانەوەی هەڵە و غروری چەند سیاسییەکی تێنەگەیشتوو و کاڵفام."

 

ئاماژەی بەوەشكردووە: "سەرباری شکستی ڕیفراندۆم و بێ هیواکردنی گەلێک لە سەربەخۆیی، بەڵام هەوڵەکانی یەکێتیی نیشتیمانیی کوردستان بۆ گەیشتن بە مافی ڕەوای چارەی خۆنوسین بەردەوام دەبێت."

 

ئەوەش لەکاتێکدایە، بەرپرسانی پارتی دیموکراتی کوردستان ئەو رۆژە بە دەستکەوتێکی مێژوویی ناودەبەن، لە یەکێتیی نیشتیمانیی کوردستانیش تاوەکو ئێستا لاهور شێخ جەنگی وەک هاوسەرۆکی حزبەکە ئەو ڕۆژەی بە دەستکەوت ناوبردووە، بەڵام بافڵ تاڵەبانی تاوەکو ئێستا بێدەنگە.