گه‌ڕان

Shadow Shadow
سیاسه‌تی

لە فڕۆکەخانەکانى هەرێمەوە مادەی هۆشبەر ڕەوانەى دەرەوە کراوە

2019.04.28 - 13:05
App store icon Play store icon Play store icon
 لە فڕۆکەخانەکانى هەرێمەوە مادەی هۆشبەر ڕەوانەى دەرەوە کراوە

کەناڵی ناس کورد لە تێلیگرام جۆین بکە   

ناس کورد-شەهرام عەزیز

ئاسایشی سلێمانی ڕایگەیاند، لە ئۆپراسیۆنێکدا دەستیان بەسەر سێ کیلۆ و نیو ماددەى هۆشبەردا گرتووە کە خاوەنەکەى بازرگانێکى گەورەى مادە هۆشبەرەکانە و تۆمەتبارەکە ویستویەتی بیباتە دەرەوەی هەرێمی کوردستان.

جەلال تاهیر بەگ، بەڕێوەبەری بەرێوەبەرایەتی نەهێشتنى هۆبەی ماددە هۆشبەرەکانی ئاسایشی سلێمانی بە ناس کورد-ی ڕاگەیاند، "ئەو کەسە دانی بەوەدا ناوە کە چەندجارێک لەڕێگەى فڕۆکەخانەى هەولێرەوە مادەى هۆشبەری ناردووەتە دەرەوە، ئەمجارەش ویستوویەتى لەڕێگەى فڕۆکەخانەى سلێمانییەوە بیباتە دەرەوە بەڵام دەستگیرکراوە."

.

جەلال تاهیربەگ وتیشى، لە ماوەى پێشوودا، چەند حاڵەتێکى هاوشێوە تۆمارکراوە و چەند کەسێک مادەى هۆشبەریان لەڕێگەى فڕۆکەخانەکانەوە ناردووەتە دەرەوە.

وتیشى، " لە ئەمساڵدا 50 بازرگان و به‌كارهێنه‌ری‌ ماده‌ی‌ هۆشبه‌ر ده‌ستگیركراون".

ئاماژەى بەوەشکرد، "ئه‌وه‌ی‌ جێگه‌ی‌ داخه‌ تائێستا له‌نێوان ئاسایشه‌كانی‌ هه‌رێمدا كه‌مترین زانیاریی‌ به‌یه‌كتر دراوه ‌و له‌ هه‌ولێر و سلێمانیش ده‌یان حاڵه‌تمان به‌سه‌ردا تێپه‌ڕیوه‌ وه‌كو ئاسایش".

.

‌بەڕێوەبەری نەهێشتنی مادە هۆشبەرەکان لە ئاسایشی سلێمانی وتی، " زۆر به‌داخه‌وه‌ بازرگان و به‌كارهێنه‌ری‌ ماده‌ی‌ هۆشبه‌ر له ‌هه‌رێمی‌ كوردستان زیادیكردوه‌، ئه‌گه‌ر به‌مشێوه‌یه‌ی‌ ئێستا بڕوات چه‌ند ساڵێكی‌ دیكه‌ ده‌بێت به‌دیارده‌ و ئه‌وه‌ش مه‌ترسی‌ زۆر گه‌وره‌ی‌ هه‌یه‌، له‌به‌رئه‌وه‌ی‌ ماده‌ی‌ هۆشبه‌ر هیچی‌ كه‌متر نییه‌ له ‌تیرۆر."