گه‌ڕان

Shadow Shadow
سیاسه‌تی

داڕمانی ئابوری تورکیا قورستر بوو.. لیرە هاڕەی کرد

2020.09.22 - 21:43
داڕمانی ئابوری تورکیا قورستر بوو.. لیرە هاڕەی کرد

ناس کورد-

ليرەى توركى بەردەوامە لە دابەزين و يەك يۆرۆ گەيشتە نۆ ليرەى توركى و يەك دۆلايش بەرامبەرە بە 7.67 ليرە، چاوەكانيش لەسەر كۆبوونەوەى ئەم هەفتەى بانكى ناوەندی توركيايە بۆ ڕێگەگرتن لە دابەزينى زياتر دراوەکەى.

 

بەپێى زانيارى ماڵپەڕە ئابوريەكان، لەسەرەتاى ئەمساڵەوە ليرە بەرامبەر دۆلارى ئەمريكى 22%ى نرخەكەى لەدەستداوە و ئەوەش خراپترين دۆخە لە جيهاندا.

 

هەروەها بەرامبەر يۆرۆش ئاستێكى پێوانەيى تۆمار كردوە و يەك يۆرۆ بەرامبەر نۆ ليرەيە و بەوەش ئەمساڵ 26%ى نرخەكەى بەرامبەر يۆرۆ لەدەستداوە.

 

ئابورى توركيا ڕوبەڕوى زنجيرەيەك داڕمانى بەردەوام بووەتەوە، سياسەتەكانى دەرەوەى ئەو وڵاتەش يەكێك لە هۆكارەكانى ئەو داڕمانە.

 

دواى ئەوەى فايز سەراج، سەرۆكى حكومەتى ليبيا كە هاوپەيمانى سەرەكى توركيايە ڕەزامەندى دەربڕى بە ئاگربەستى گشتگير لەو وڵاتە و دواتر ڕاگەياندنى نيازى خۆى بۆ دەستلەكاركێشانەوە، شكستى سياسەتەكانى ئەنقەرە بەئاشكرا دەركەوتن.

 

سەرەڕاى ئەمانەش توركيا چۆكى بۆ پەستانەكانى يەكێتى ئەوروپا داو كەشتى بيرهەڵكەنەكەى لە ئاوەكانى يۆنان كشاندەوە، هەروەها سورياش دەستى كردوە بە بۆردومانكردنى ناوچەكانى پارێزگاى ئيدلب لە باكورى خۆرئاواى سوريا كە ناوچەى هێزەكانى توركيا و هاوپەيمانەكانيەتى.