گه‌ڕان

Shadow Shadow
سیاسه‌تی

’’پۆلیسی و هەواڵگری’’

فراکسیۆنی کۆمەڵ: ئەم دەسەڵاتە ڕۆژ بە ڕۆژ بەرەو دیکتاتۆریەت دەڕوات

2020.09.22 - 18:15
فراکسیۆنی کۆمەڵ: ئەم دەسەڵاتە ڕۆژ بە ڕۆژ بەرەو دیکتاتۆریەت دەڕوات

ناس كورد-

عەبدولستار مەجيد، سەرۆكى فراكسۆنى كۆمەڵى ئيسلامى دەڵێت، "دەسەڵاتێک  ترسی لە پەرلەمانێک هەیە کە زۆرینەیە تێیدا، ئەم دەسەڵاتە ڕۆژ بە ڕۆژ بەرەو دیکتاتۆریەت دەڕوات".

 

عەبدولستار مەجيد لە هەژماری خۆى لە تۆڕى كۆمەڵايەتى فەيسبوك بڵاويكردوەتەوە، ئەمڕۆ سێشەممە، 23ی ئەیلولی 2020، "بەمەبەستی دەبڕینی پشتیوانیی بۆیان، سەردانی فراکسیۆنی یەکگرتوومان لە پەرلەمانی کوردستان کرد."

 

ڕونيشيكردوەتەوە، پارتی تاکلایەنە ڕێککەوتنی پێکهێنانی حکومەتی خۆجێیی لەگەڵ یەکگرتوو هەڵوەشاندەوە بە پاساوی ئەوەی پەرلەمانتارەکانیان واژۆیان بۆ پرساندن لە سەرۆکی حکومەت کردووە.

 

تەئكيديشى كردوەتەوە، لەو سەردانەماندا دوای دەربڕین و دووپاتکردنەوەی پشتیوانیی کۆمەڵ و فراکسیۆنەکەی بۆ برایانمان لەیەکگرتووی ئیسلامیی و فراکسیۆنەکەی تەئکیدمان لەوە کردەوە کە دڵنیابن لەوەی هێزی سیاسیی لەژێر فشار و چاوسورکردنەوەی دەسەڵاتدا گەورە دەبێ .

 

سەرۆكى فراكسيۆنى كۆمەڵى ئيسلامى ڕونيشيكردوەتەوە، هەروەک پێشمان وایە ئەم دەسەڵاتە ڕۆژ بە ڕۆژ بەرەو دیکتاتۆریییەت دەڕوات تا ئاستی دروستکردنی دەسەڵاتێکی پۆلیسی و هەواڵگریی، لەگەڵ هەموو ئەوانەشدا  ترسی لە واژۆیەکیش هەیە کە پەرلەمانتارێک کردویەتی تا سەرۆکی حکومەت بێتە بەردەم ئەو پەرلەمانەی کە حزبەکەی زۆرینەیە تیایدا.