گه‌ڕان

Shadow Shadow
سیاسه‌تی

ئۆپۆزسیۆنى سوریا: فڕۆكە جەنگيەكانى ڕوسيا بۆردومانێکى توندى ئيدلبيان ئەنجامدا

2020.09.20 - 22:37
ئۆپۆزسیۆنى سوریا: فڕۆكە جەنگيەكانى ڕوسيا بۆردومانێکى توندى ئيدلبيان ئەنجامدا

ناس كورد-

ئۆپۆزسيۆنى سوريا ئاشكراى كرد، ئەمڕۆ (يەكشەممە) فڕۆكە جەنگيەكانى ڕوسيا بۆردومانى باشورى خۆرئاواى سوريايان كردوە كە لەلايەن ئۆپۆزسيۆنەوە كۆنترۆڵكراون و ئەوەش توندترين و بەهێزترين بۆردومان بووە لەو كاتەوەى "6 مانگ پێش ئێستە" ئاگربەست ڕاگەيەنراوە.

 

بەگوێرەى سەرچاوە ئاگادارەكان، فڕۆكە جەنگيەكانى ڕوسيا دەوروبەرى شارى ئيدلبيان بۆردومانكردوە، هەروەها ناوچەى "شاخى زاويە" لە باشورى ئيدلب ڕوبەڕوى بۆردومانێكى توندى تۆپهاوێژەكان بوەتەوە، بەڵام تائێستا هيچ زانياريەكان لەسەر بونى قوربانى نييە.

 

لاى خۆيەوە "محەمەد ڕەشيد" كە بەرپرسێكى پێشوى هێزە ئۆپۆزسيۆنەكان و چاودێرى فڕۆكەكانە و تۆڕەكەى ڕوماڵى بنكەى ئاسمانى ڕوسى لە پارێزگاى لازقيە لە كەنارەكانى خۆرئاوا دەكات باسى لەوە كردوە، ئەو بۆردومانانە لەو كاتەوەى ئاگربەست ڕاگەيەنراوە توندترين بوە.

 

سەرچاوەكانى ترى چاودێريكردن ڕونيانكردوەتەوە، فڕۆكە ڕوسيەكان جۆرى سوخۆى ناوچەى "حەرەش و دێى عەرەب سەعيد"يان لە خۆرئاواى ئيدلب بۆردومانكردوە، هەروەها فڕۆكەى بێفڕۆكەوانى نەناسراو دوو شارۆچكەيان لە دەشتى غاب لە خۆرئاواى حەما بۆردومانكردوە كە هێزە ئۆپۆزسيۆنەكانى تێدايە.

 

ئەوەش لەكاتێكدايە لە مانگى ئازارەوە دواى ئەوەى كە هەڵمەتە بۆردومانكردنەكەى ڕوسيا كە بوە هۆى ئاوارەبونى زياتر لە يەك مليۆن كەس لە ناوچەكانى نزيك لە توركيا دواى چەند مانگێك شەڕ وەستێنرا، بۆردومانى بەو شێوەيە چڕ و فراوان نەكراوە.

 

تائێستا مۆسكۆ ياخود سوپاى سوريا كە بەردەوام هێزە ئۆپۆزسيۆنەكان بە پێشێلكردنى ئاگربەست و هێرشكردنە سەر پێگەكانى سوپاى سوريا تۆمەتبار دەكەن هيچ لێدوانێكيان لەو بارەيەوە نەداوە.

 

ڕێكکەوتنى نێوان ڤلاديمێر پۆتن سەرۆكى ڕوسيا و ڕەجەب تەيب ئەردۆگان سەرۆككۆمارى ڕوسيا بوە هۆى وەستاندنى ڕوبەڕوبونەوەى سەربازى، ئەوەش دواى ئەوەى توركيا هەزاران سەربازى ناردە پارێزگاى ئيدلب بۆ ڕێگەگرتن لە پێشڕەوى هێزەكانى ڕژێمى سوريا كە ڕوسيا پشتگيرى دەكات.

 

بەگوێرەى زانيارى دبلۆماسيەكان، لە كۆتا كۆبونەوەكاندا مۆسكۆ پەستانى خستوەتە سەر ئەنقەرە بۆ كەمكردنەوەى بونى سەرباز لە ئيدلب، بەگوێرەى زانياريەكانيش ئەنقەرە نزيكەى 10 هەزار سەرباز و دەيان بنكەى لەو ناوچانەى سوريا هەيە.

 

بەگوێرەى وتەى شايەتحاڵەكانيش بۆردومانە پچڕ پچڕەكانى سوپاى سوريا بۆ سەر بنكە و بارەگاكانى توركيا لەماوەى دوو هەفتەى ڕابردودا زيادى كردوە، بەگوێرەى زانيارى لایەنەکانى ئۆپۆزسيۆنيش ڕژێمى سوريا و هێزە هاوپەيمانەكانى لە هێڵەكانى پێشەوەى شەڕ دەستيان كردوە بە كۆكردنەوەى هێز.