گه‌ڕان

Shadow Shadow
سیاسه‌تی

سوپای عێراق هۆکاری ئەو تەقینەوەی ئاشکراکرد کە سەربازگەى سپایکەری هەژاند

2020.09.18 - 13:00
App store icon Play store icon Play store icon
سوپای عێراق هۆکاری ئەو تەقینەوەی ئاشکراکرد کە سەربازگەى سپایکەری هەژاند

ناس كورد-

تۆڕی ڕاگەیاندنی جەنگی سەر بە سوپای عێراق ئاشکرایکرد، تەقینەوەیەک لەناو سەربازگەى سپايكەر لە سەڵاحەدین ڕوویداوە و بەهۆیەوە تەلارێك ڕووخاوە.

کەناڵی ناس کورد لە تێلیگرام جۆین بکە   

 

ئەمڕۆ هەینی، 18ی ئەیلولی 2020، بەرەبەيانى ئەمڕۆ تەقينەوەيەك لەناو تەلارێكى چۆڵكراو ڕوويداوە كە پاشماوەكانى شەڕى تێدابووە لەناو سەربازى سپايكەر لە پارێزگاى سەڵاحەدين.

 

تۆڕەکە ڕەتیکردووەتەوە تەقینەوەکە بەهۆی بۆردومانی ئاسمانییەوە بوو بێت و دەڵێت، چەک و تەقەمەنییەکان بە خراپی هەڵگیراون و ئەوەش هۆکاری تەقینەوەکە بووە.

 

هێماى بۆ ئەوەشكردوە، بەهۆى تەقينەوەكەوە تەلارەكە ڕووخاوە و گژ و گياى ئەو دەوروبەرەش سوتاون.

 

جەختیشیکردووەتەوە کە "ئاگرەكە لەلايەن تيمە تايبەتەكانەوە كوژێنراوەتەوە و هيچ زيانێكى گيانى بەهۆى ڕووداوەكەوە نەكەوتووەتەوە.