ناس کورد-
وەزارەتی تەندروستیی عێراق تۆمارکردنی چوار هەزار و 224 توشبووی نوێی کۆرۆنای لە 24 کاتژمێری ڕابردوودا ڕاگەیاند، 80 توشبووش بەهۆی نەخۆشییەکەوە گیانیان لەدەستداوە.
هەر بەپێی ڕاگەیەنراوی ئەمڕۆ سێشەممە، 15ی ئەیلولی 2020، وەزارەتەکە دەڵێت، چوار هەزار و 214 توشبوو نەخۆشییەکەیان پەڕاندووە و چاکبوونەتەوە، دوێنێ ژمارەى چاکبووان لە توشبووان زیاتر بوو، ئەمڕۆش تاڕادەیەک یەکسانن.
پارێزگای دهۆک زۆرترین ژمارەى مردنی تۆمار کردووە کە 12 حاڵەتە لە 24 کاتژمێری ڕابردوودا.
