گه‌ڕان

Shadow Shadow
سیاسه‌تی

ئای ئەی تی ئەی: دابەشكردنى ڤاكسينى كۆرۆنا بە جيهاندا پێويستى بە 8 هەزار فڕۆكەى تايبەت هەيە

2020.09.10 - 22:37
App store icon Play store icon Play store icon
ئای ئەی تی ئەی: دابەشكردنى ڤاكسينى كۆرۆنا بە جيهاندا پێويستى بە 8 هەزار فڕۆكەى تايبەت هەيە

ناس کورد- 

يەكێتى گواستنەوەى ئاسمانیى نێودەوڵەتى "IATA" دەڵێت، دابەشكردنى ڤاكسينى كۆرۆنا بەسەر دانيشتوانى جيهاندا پێويستى بە هەزارەها فڕۆكە هەيە بە تايبەتمەندى دياريكراو.

کەناڵی ناس کورد لە تێلیگرام جۆین بکە   

 

يەكێتييەكە بڵاويكردووەتەوە، گەياندنى ڤاكسينى كۆرۆناى نوێ COVID-19 بۆ حەوت مليار و 800 مليۆن كەس پێويستى بە پردێكى ئاسمانى هەيە كە لە 8000 فڕۆكەى جۆرى بۆينگ پێكهاتبێت.

 

لاى خۆيەوە "گيلن هيوز" سەرۆكى بەشى باركردن لە دەستەى پيشەسازى سەربە يەكێتييەكە لە كۆنگرەيەكى ڕۆژنامەوانيدا باسى لەوەكردوە: بەرنامەى دابەشكردنى ڤاكسين يەك ڤاكسينە بۆ هەر كەسێك، بەڵام چەندين دەرمانى تريش بۆ داواكاريەكان زياد دەكرێت.

 

ڕونيشيكردوەتەوە: "لەوانەيە هەندێك لە فڕۆكەكان گونجاو نەبن ئەگەر ڤاكسينەكە پێويستى بە پلەيەكى گەرمى نمونەيى لەنێوان 2 بۆ 8 پلەى سەدى بێت، بۆيە ژمارەيەكى زۆر فڕۆكە بەكەڵكى گواستنەوەى ئەو بارانە نايەن كە پێويستيان بە پلەى گەرمان نزم هەيە."

 

يەكێتى گواستنەوەى ئاسمانى نێودەوڵەتى و كۆمپانياكانى فڕۆكەوانى و فڕۆكەخانەكان و دەستە تەندروستيە جيهانيەكان و كۆمپانياكانى دەرمان تەنسيقيان كردوە بۆ دانانى بەرنامەيەك بۆ گواستنەوەى ڤاكسين و يەكێتيەكەش دەڵێت، ئەوە گەورەترين ئاڵنگارى گواستنەوەيە.

 

ئەمەش لەكاتێكدايە كە تا ئێستا ڤاكسينێكى كاريگەر دروستنەكراوە و دەيان كۆمپانيا و دامەزراوە و ناوەندى تەندروستى سەرقاڵى پەرەپێدان و تاقيكردنەوەن لەسەر ڤاكسين، ڕێكخراوى تەندروستى جيهانيش پێشتر بڵاويكردەوە، 35 ڤاكسين پاڵێوراون و لەئێستادا لەژێر تاقيكردنەوە و هەڵسەنگاندن.

 

ڤايرۆسى كۆرۆنا لە جيهاندا بەردەوامە لە بڵاوبونەوە و ژمارەى توشبووان گەيشتوەتە زياتر لە 28 مليۆن كەس، هەروەها نزيكەى 910 هەزار كەس گيانيان لەدەستداوە و نزيكەى 20 مليۆن و 150 هەزار كەسيش چاكبونەتەوە، بەو پێيەش لە ئێستادا دەوروبەرى 7 مليۆن توشبوو لە لە جيهاندا هەن.