گه‌ڕان

Shadow Shadow
سیاسه‌تی

لەسەر ڕێچکەى گروپەکانى مافیا و فیلمەکانى هۆلیۆد

بەغدا؛ دوو کچ تەقە لە هێزە ئەمنییەکان دەکەن ’بۆ رێگریکردن لە دەستگیرکردنى براکانیان’

2020.09.09 - 20:59
App store icon Play store icon Play store icon
بەغدا؛ دوو کچ تەقە لە هێزە ئەمنییەکان دەکەن ’بۆ رێگریکردن لە دەستگیرکردنى براکانیان’

ناس کورد-

ڕوبەڕوبونەوەى چەكدارى لەگەڵ هێزەكانى پۆليسدا شتێكى سەير نييە لە جيهاندا، بەڵام ئەگەر ئەوانەى ڕوبەڕوى هێزەكانى پۆليس دەبنەوە كچ بن و بەشێوەيەكى مافيايى و فيلمى هۆلیۆد بێت، ئەو كاتە سەير دەبێت، بەتايبەتيش لە وڵاتێكى وەك عێراق.

 

کەناڵی ناس کورد لە تێلیگرام جۆین بکە   

سەرچاوەيەكى ئەمنى باڵا بە "ناس کورد"ى وت "لە ناوچەى "وەحدە" لە كۆمەڵگەى بەسمايە/شەقامى مەعدان لە بەغداى پايتەخت ڕوبەڕوبونەوەيەكى چەكدارى لەگەڵ هێزەكانى پۆليس ڕويداوە و بەهۆيەوە دوو ئەندامى ئەو هێزانە بريندار بوون".

 

سەرچاوەکە ڕونيكردەوە "ڕوبەڕبونەوەكە لەلايەن دوو كچ  و دوو برايانە بووە و يەكيان بريندار بوە، هۆكارى ڕوبەڕوبونەوەكەش ئەوە بوە كە هێزە ئەمنيەكان هەوڵى دەستگيركردنى دوو براى كچەكانيان داوە كە فەرمانى گرتنيان هەبوە".

 

بەگوێرەى زانياريەكانى سەرچاوەكە "بە مادەى "406ى كوشتنى بە ئەنقەست" دوو براى كچەكان فەرمانى دەستگيرکردنيان بۆ دەركراوە و هێزێكى ئەمنى هاوبەش پێكهێنراوە بۆ جێبەجێكردنى فەرمانەكە، بەڵام لەكاتى جێبەجێكردنیدا دوو تۆمەتبارەكە و خوشكەكانيان دەستيانكردوە بە تەقەكردن و هێزە ئەمنيەكانيش بەهەمان شێوە وەڵاميان داونەتەوە.

 

سەرچاوەكە ئەوەشى بۆ "ناس کورد" رونکردەوە، بەهۆى ڕوبەڕوبونەوەكە مفەوەزێك و پۆليسێك برينداربون، هەروەها يەكێك لە كچەكانيش بەگولەى خوشکەکەى بریندار بووە، سەرەڕاى ئەوەش سێ ئۆتۆمبێلى هێزە ئەمنيەكان زيانى بەركەوتوە.

 

بەگوێرەى زانياريیەكانى هەمان سەرچاوەى ئەمنى "دوو براكە هەڵاتون و خوشكەكەى تريان دەستگير كراوە، كچە بريندارەكە و دوو پۆليسەكەش گواستراونەتەوە بۆ نەخۆشخانە".