گه‌ڕان

Shadow Shadow
سیاسه‌تی

ئێران هەڵوێستى خۆى لەبارەى هێرشەکانى تورکیا بۆ سەر پەکەکە ڕاگەیاند

2020.09.07 - 18:00
ئێران هەڵوێستى خۆى لەبارەى هێرشەکانى تورکیا بۆ سەر پەکەکە ڕاگەیاند

ناس کورد-

وەزارەتی دەرەوەی ئێران هەڵوێستى خۆى لەبارەى هێرشەکانى تورکیا بۆ سەر پەکەکە لەخاکى هەرێم ڕاگەیاند و ئاماژەى بەوەکرد، نابێت تورکیا سەروەری خاکی عێراق پێشێل بکات.

 

بەپێی ئاژانسى میهرى فەرمى ئێران، سەعید خەتیب زادە، وتەبێژى وەزارەتی دەرەوەی ئێران لە وڵامی پرسیارێکدا سەبارەت بە هێرشەکانی تورکیا بۆ سەر پەکەکە وتویەتى "پرسی کوردستان بۆ ئێران پرسی نیشتمانێکە و ئەوەی ڕوو دەدا ئێمە وەک بابەتێکی کوردی نایبینین". 

 

باسى لەوەشکردووە، گرووپە چەکدارەکان لە سنووری هاوبەشی عێراق، ئێران و تورکیا "کەڵکی ناڕەوا وەردەگرن و هەندێکیان بارەگا و کەمپیان لە عێراق دروست کردووە و هێرش دەکەنە سەر سەربازەکان".

 

خەتیب زادە جەختیکردەوە، یەکپارچەیی خاکی عێراق بۆ ئەوان هێڵی سوور بووە و هەیە، هەندێ نیگەرانیش هەیە کە تورکیا باسی دەکات و پێیان وتووە کە نابێ دەستدرێژی بکرێتە سەر سەروەری خاکی عێراق.

 

وتیشى، "ئێران تەنیا وڵاتێکی ناوچەکەیە کە شاڕێیانێکی بە ناوی کوردستان و پارێزگایەکیشی بە ناوی کوردستانەوەیە".