گه‌ڕان

Shadow Shadow
سیاسه‌تی

ڕاپرسییەک: لەسەر ئاستى پشتیوانى دەنگدەران بایدن لەپێشەوەى تڕامپەوەیە

2020.09.07 - 11:55
App store icon Play store icon Play store icon
ڕاپرسییەک: لەسەر ئاستى پشتیوانى دەنگدەران بایدن لەپێشەوەى تڕامپەوەیە

ناس کورد-

بەگوێرەى ڕاپرسییەک کە لەلایەن سەنتەرى لێکۆڵینەوەى "YouGov" و لەسەر داواکارى کەناڵى "CBS"  ئەمریکیى ئەنجامدراوە، جۆ بایدنى کاندیدى دیموکراتەکان لەپێشەوەى دۆناڵد تڕامپى کاندیدى کۆمارییەکانەوەیە.

 

کەناڵی ناس کورد لە تێلیگرام جۆین بکە   

لەڕاپرسیەکەدا پرسیارى ئەوە کراوە  لەهەڵبژاردنەکەى ئەمساڵدا پشتیوانى کام کاندیدە دەکەن، بەڕێژەى 52%ى سامپڵى ڕاپرسیەکە ئامادەباشیان بۆ دەنگدان بە جۆ بایدنى کاندیدى دیموکراتەکان دەربڕیوە و لەبەرامبەریشدا بەڕێژەى 42% ئامادە بوون دەنگ بدەن بە دۆناڵد تڕامپى کاندیدى کۆمارییەکان.

 

هەر بەگوێرەى ئاکامى ڕاپرسییەکە، 3%ى کاندیدى دیکەیان پێ باشتر بووە لەو دوو کاندیدە و بەڕێژەى 3% نایانەوێت پشتیوانى هیچ جۆرە سیاسیەک بکەن.

 

ڕاپرسییەکە لە 2 تا 4ى ئەیلول ئەنجامدراوە و نزیکەى 250 هەزار کەس لەسەرجەم ویلایەتەکان بەشداریان تێدا کردووە.

 

بەگوێرەى چەند ڕاپرسیەکى دیکەش کە لەکۆتایى مانگى ئابى ڕابردودا ئەنجامدراوە بەتایبەتى ئەو ڕاپرسیەى کە لەلایەن ناوەندى Emerson ئەنجامدرا، جۆ بایدنى کاندیدى دیموکراتەکان لەپێشەوەى دۆناڵد تڕەمپى کاندیدى کۆمارییەکانەوەیە.